---
title: "കേരളക്കരക്കും, ഇന്ത്യൻ കായിക ലോകത്തിനും  ഒരിക്കലും മറക്കാനാകാത്ത കായികതാരമാണ് വി.പി സത്യനെന്ന് പി.കെ പ്രവീൺ എം എൽ എ."
english_title: "VP Sathyan 20th Memorial and Football Tournament Inaugurated by PK Praveen MLA"
publisher: "panoornews.in"
canonical_url: "https://panoor.truevisionnews.com/news/372166/vp-sathyan-20th-memorial-and-football-tournament-inaugurated-by-pk-praveen-mla"
published_at: "2026-07-13T15:14:00+05:30"
category: "Panoor Special"
language: "ml"
image: "https://cf.zdn.im/img/truevisionnews.com/0/image-uploads/6a54b48fc9edd_vp-sathyan-20th-memorial-football-tournament-mekkunnu.jpg"
keywords: ["VP Sathyan", "PK Praveen MLA", "Mekkunnu", "Football Tournament", "Kerala Sports"]
---

# കേരളക്കരക്കും, ഇന്ത്യൻ കായിക ലോകത്തിനും  ഒരിക്കലും മറക്കാനാകാത്ത കായികതാരമാണ് വി.പി സത്യനെന്ന് പി.കെ പ്രവീൺ എം എൽ എ.

> **Lead Summary:** മേക്കുന്ന്: ഇന്ത്യൻ ഫുട്ബോളിലെ ഇതിഹാസതാരം വി.പി. സത്യന്റെ 20-ാം വാർഷിക അനുസ്മരണം മേക്കുന്ന് വി.പി. സത്യൻ സ്മാരക മന്ദിരത്തിൽ സംഘടിപ്പിച്ചു. ട്രസ്റ്റിന്റെ നേതൃത്വത്തിൽ നടന്ന ചടങ്ങിൽ സ്മരണാർത്ഥ ഫുട്ബോൾ ടൂർണമെന്റും ഉദ്ഘാടനം ചെയ്തു.

## Article Content

മേക്കുന്ന്: ഇന്ത്യൻ ഫുട്ബോളിലെ ഇതിഹാസതാരം വി.പി. സത്യന്റെ 20-ാം വാർഷിക അനുസ്മരണം മേക്കുന്ന് വി.പി. സത്യൻ സ്മാരക മന്ദിരത്തിൽ സംഘടിപ്പിച്ചു. ട്രസ്റ്റിന്റെ നേതൃത്വത്തിൽ നടന്ന ചടങ്ങിൽ സ്മരണാർത്ഥ ഫുട്ബോൾ ടൂർണമെന്റും ഉദ്ഘാടനം ചെയ്തു.

> കൂത്തുപറമ്പ് എംഎൽഎ പി.കെ. പ്രവീൺ പരിപാടി ഉദ്ഘാടനം ചെയ്തു. "കേരളക്കരക്കും ഇന്ത്യൻ കായിക ലോകത്തിനും ഒരിക്കലും മറക്കാനാകാത്ത കായികതാരമാണ് വി.പി. സത്യൻ. അദ്ദേഹത്തിന്റെ കളിയും പോരാട്ടവീര്യവും ഇന്നത്തെ തലമുറയ്ക്കും മാതൃകയാണ്" എന്ന് എംഎൽഎ പറഞ്ഞു.

ട്രസ്റ്റ് വർക്കിംഗ് ചെയർമാൻ ഡോ. എം.കെ. മധുസൂദനൻ അധ്യക്ഷത വഹിച്ചു. മുൻ ഇന്ത്യൻ ഫുട്ബോൾ ടീം ക്യാപ്റ്റൻ യു. ഷറഫലി അനുസ്മരണ പ്രഭാഷണം നടത്തി. സത്യനൊപ്പം കളിച്ച ഓർമ്മകളും ദേശീയ ടീമിന്റെ നേട്ടങ്ങളും അദ്ദേഹം പങ്കുവെച്ചു.

പാനൂർ നഗരസഭ ചെയർപേഴ്സൺ നൗഷത്ത് കുടത്തിൽ വിശിഷ്ടാതിഥിയായി പങ്കെടുത്തു. തുടർന്ന് വി.പി. സത്യന്റെ സ്മരണാർത്ഥം ട്രസ്റ്റ് വൈസ് ചെയർമാന്റെ നേതൃത്വത്തിൽ ഫുട്ബോൾ ടൂർണമെന്റ് നടന്നു.

ട്രസ്റ്റ് ജനറൽ സെക്രട്ടറി കെ. സുരേന്ദ്രൻ സ്വാഗതം പറഞ്ഞു. ട്രസ്റ്റ് ജനറൽ സെക്രട്ടറി പി. അബ്ദുനാസർ നന്ദി രേഖപ്പെടുത്തി.

### Related Links & Sources
- [Original Story Source](https://panoor.truevisionnews.com/news/372166/vp-sathyan-20th-memorial-and-football-tournament-inaugurated-by-pk-praveen-mla)