---
title: "വടകരയിൽ നിക്ഷേപതുക തിരികെ കിട്ടാത്ത വിഷമത്തിൽ വയോധികൻ തീക്കൊളുത്തി ആത്മഹത്യ ചെയ്ത സംഭവം ; കോൺഗ്രസ് നേതാവ് ടി.വി സുധീർ കുമാർ അറസ്റ്റിൽ"
english_title: "Incident where an elderly man set himself on fire and committed suicide after failing to recover his investment in Vadakara; Congress leader T.V. Sudheer Kumar arrested."
publisher: "panoornews.in"
canonical_url: "https://panoor.truevisionnews.com/news/370454/incident-where-an-elderly-man-set-himself-on-fire-and-committed-suicide-after-failing-to-recover-his-investment-in-vadakara-congress-leader-tv-sudheer-kumar-arrested"
published_at: "2026-07-04T16:40:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a48ea47add77_6a48d552e4f31_tv_sudheer.jpg"
keywords: []
---

# വടകരയിൽ നിക്ഷേപതുക തിരികെ കിട്ടാത്ത വിഷമത്തിൽ വയോധികൻ തീക്കൊളുത്തി ആത്മഹത്യ ചെയ്ത സംഭവം ; കോൺഗ്രസ് നേതാവ് ടി.വി സുധീർ കുമാർ അറസ്റ്റിൽ

> **Lead Summary:** വടകര: വടകരയിലെ ലേബർ കോൺട്രാക്ട് സൊസൈറ്റിയിലെ ക്രമക്കേടിൽ മുൻ പ്രസിഡന്റ് ടി . വി സുധീർ കുമാർ അറസ്റ്റിൽ നിക്ഷേപ തുക തിരിച്ച് കിട്ടാത്തതിൽ മനംനൊന്ത് തിരുവള്ളൂർ സ്വദേശി ഇബ്രാഹിം കുട്ടി ആത്മഹത്യ ചെയ്ത സംഭവത്തിലാണ് അറസ്റ്റ് രേഖപ്പെടുത്തിയത് .

## Article Content

വടകര: വടകരയിലെ ലേബർ കോൺട്രാക്ട് സൊസൈറ്റിയിലെ ക്രമക്കേടിൽ മുൻ പ്രസിഡന്റ് ടി . വി സുധീർ കുമാർ അറസ്റ്റിൽ നിക്ഷേപ തുക തിരിച്ച് കിട്ടാത്തതിൽ മനംനൊന്ത് തിരുവള്ളൂർ സ്വദേശി ഇബ്രാഹിം കുട്ടി ആത്മഹത്യ ചെയ്ത സംഭവത്തിലാണ് അറസ്റ്റ് രേഖപ്പെടുത്തിയത് .

ഒരു മാസം മുൻപാണ് ഇബ്രാഹിം കുട്ടി സുധീർ കുമാറിന്റെ വീടിന്റെ മുന്നിലെത്തി തീകൊളുത്തി ജീവനൊടുക്കിയത്. സുധീർ കുമാറായിരുന്നു ഇബ്രാഹിം കുട്ടിയോട് പണം നിക്ഷേപിക്കാൻ ആവശ്യപ്പെട്ടത് .

യുഡിഎഫ് നിയന്ത്രണത്തിൽ 13 വർഷം മുൻപ് തുടങ്ങിയ വടകര കടത്തനാട് ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റിയിലെ നിക്ഷേപകനായിരുന്നു ഇബ്രാഹീം കുട്ടി. ഇബ്രാഹീം കുട്ടിക്കും കുടുംബത്തിനുമായി 22 ലക്ഷം രൂപയാണ് സൊസൈറ്റിയിൽ നിന്ന് ലഭിക്കാനുണ്ടായിരുന്നത്.

പണം തിരികെ ലഭിക്കാൻ നിരവധി തവണ സൊസൈറ്റിയിലും സുധീർ കുമാറിന്റെ വീട്ടിലും കയറിയിറങ്ങിയ ഇബ്രാഹീം ഹാജി പൊലീസിലും പരാതി നൽകിയിരുന്നു. വർഷങ്ങളായി വീട്ടുകാരുമായി അകന്ന്, നഗരത്തിലെ വാടകമുറികളിൽ മാറി മാറി താമസിക്കുകയായിരുന്ന അദ്ദേഹം ഒടുവിൽ ഗതികെട്ടാണ് ഈ ദാരുണമായ വഴി തിരഞ്ഞെടുത്തതെന്ന് ബന്ധുക്കൾ പറഞ്ഞിരുന്നു.

അതേസമയം പണം തിരിച്ചുകിട്ടില്ലെന്ന് വന്നപ്പോഴാണ് ഇബ്രാഹിം കുട്ടി ഹാജി ഏറ്റവും അവസാനം കടുകൈ ചെയ്തതെന്ന് സി പി ഐ എം സംസ്ഥാന സെക്രട്ടറി എംവി ഗോവിന്ദൻ പറഞ്ഞിരുന്നു . സാധാരണ രീതിയിൽ ഒരു മനുഷ്യനും ഈ രീതിയിലുള്ള കാര്യം ചെയ്യില്ല . പണം കിട്ടുന്നില്ലെന്ന അവസ്ഥ വന്നപ്പോൾ സ്വന്തം കൈയ്യാൽ തന്നെ പെട്രോളൊഴിച്ച് മരണത്തിലേക്ക് നീങ്ങുന്ന സാഹചര്യമാണ് ഉണ്ടായത്.

സത്യപറഞ്ഞാൽ ഇതൊരു ആത്മഹത്യയല്ല, ശരിയായി പറഞ്ഞാൽ ഇതൊരു കൊലതകമാണ് . ഞാൻ മരിക്കും , ആത്മഹത്യ ചെയ്യേണ്ടി വരും എന്ന് പറഞ്ഞിട്ടും 25 ലക്ഷം രൂപയുടെ ഒരു ഭാഗം പോലും തിരിച്ചു കൊടുക്കാൻ തയ്യാറായില്ല എന്നതാണ് ഇതിൽ ഏറ്റവും ഗൗരവമേറിയ പ്രശനം .

ലോബർ കോൺട്രാക്ടിന്റെ പേര് ഉപയോഗിച്ച് വലിയ തട്ടിപ്പാണ് നടന്നിട്ടുള്ളത് . ലീഗിന്റെ ഉന്നത നേതാക്കൾ ഉൾപ്പെടെയാണ് നിക്ഷേപ സമാഹരണത്തിന്റെ ഉദ്ഘാടന പരിപാടിയിൽ പങ്കെടുത്തത് . ഏറ്റവും പ്രമുഖരായ ആളുകളെ അണിനിരത്തി ജനങ്ങളുടെ വിശ്വാസം മുതലെടുത്ത് വലിയ കൊള്ളയാണ് നടന്നിട്ടുള്ളത് . ഈ ഒരു കൊലതകം നടന്നത് കൊണ്ടാണ് ഈ വാർത്ത ഇപ്പോൾ പുറത്ത് വന്നത് . ലക്ഷക്കണക്കിന് ആളുകൾക്കാണ് ഇതുപോലെ ലക്ഷക്കണക്കത്തിന് രൂപ കൊടുക്കാനുള്ളതെന്നും അദ്ദേഹം പറഞ്ഞിരുന്നു .

### Related Links & Sources
- [Original Story Source](https://panoor.truevisionnews.com/news/370454/incident-where-an-elderly-man-set-himself-on-fire-and-committed-suicide-after-failing-to-recover-his-investment-in-vadakara-congress-leader-tv-sudheer-kumar-arrested)