---
title: "പള്ളൂരിൽ അബൂബക്കർ സിദ്ധീഖ് ചാരിറ്റബിൾ ട്രസ്റ്റിന് തുടക്കം ; ആംബുലൻസ് നാടിന്  സമർപ്പിച്ചു"
english_title: "Abubacker Siddique Charitable Trust launched in Pallur; ambulance dedicated to the community."
publisher: "panoornews.in"
canonical_url: "https://panoor.truevisionnews.com/news/370019/abubacker-siddique-charitable-trust-launched-in-pallur-ambulance-dedicated-to-the-community"
published_at: "2026-07-02T20:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a467e8f16f75_Untitled-3_copy.jpg"
keywords: []
---

# പള്ളൂരിൽ അബൂബക്കർ സിദ്ധീഖ് ചാരിറ്റബിൾ ട്രസ്റ്റിന് തുടക്കം ; ആംബുലൻസ് നാടിന്  സമർപ്പിച്ചു

> **Lead Summary:** പള്ളൂർ: സാമൂഹിക-ജീവകാരുണ്യ രംഗത്ത് സജീവമായിരുന്ന അന്തരിച്ച അബൂബക്കർ സി.പി.യുടെ സ്മരണയ്ക്കായി രൂപീകരിച്ച അബൂബക്കർ സിദ്ധീഖ് ചാരിറ്റബിൾ ട്രസ്റ്റിന്റെ ഉദ്ഘാടനവും ട്രസ്റ്റിന്റെ നേതൃത്വത്തിൽ ഒരുക്കിയ ACT ആംബുലൻസിന്റെ സമർപ്പണവും നടന്നു.

## Article Content

പള്ളൂർ: സാമൂഹിക-ജീവകാരുണ്യ രംഗത്ത് സജീവമായിരുന്ന അന്തരിച്ച അബൂബക്കർ സി.പി.യുടെ സ്മരണയ്ക്കായി രൂപീകരിച്ച അബൂബക്കർ സിദ്ധീഖ് ചാരിറ്റബിൾ ട്രസ്റ്റിന്റെ ഉദ്ഘാടനവും ട്രസ്റ്റിന്റെ നേതൃത്വത്തിൽ ഒരുക്കിയ ACT ആംബുലൻസിന്റെ സമർപ്പണവും നടന്നു.

ബഷീർ അഹ്‌സനിയുടെ ഖിറാഅത്തോടെ ആരംഭിച്ച ചടങ് ട്രസ്റ്റ് പ്രസിഡന്റ് ലത്തീഫ് ഹാജി അധ്യക്ഷതയിൽ ഗ്രാമത്തി ജുമാ മസ്ജിദ് ഖത്തീബ് ഷംഷീർ അൽ അസ്ഹരി ഉദ്ഘാടനം ചെയ്തു. സയ്യിദ് മുഹമ്മദ് ഫൈസി മുഖ്യപ്രഭാഷണം നടത്തി.

സാബിഖലി തങ്ങൾ ട്രസ്റ്റ് ഉദ്ഘാടനം നിർവഹിച്ച് ആംബുലൻസിന്റെ താക്കോൽ കൈമാറി. മുൻ എം.എൽ.എ രമേശ് പറമ്പത്ത്, മാഹി സർക്കിൾ ഇൻസ്‌പെക്ടർ അനിൽകുമാർ , ചൊക്ലി ഗ്രാമപഞ്ചായത്ത് പ്രസിഡന്റ് എൻ അനൂപ്, എം.കെ. നൗഷാദ് (കെ.എം.സി.സി. ബംഗളൂരു), കെ.പി. ഷംസുദ്ധീൻ, ഡോക്ടർ അമീർ,അഷ്റഫ് ഹാജി പാലത്തായി എന്നിവർ ആശംസകൾ നേർന്നു.ACT സെക്രട്ടറി അർഷാദ് അരോമ സ്വാഗതവും

അലി അക്ബർ ഹാഷിം നന്ദിയും പറഞ്ഞു.

അബൂബക്കർ സി.പി.യുടെ സ്മരണ നിലനിർത്തിക്കൊണ്ട് നാടിന് ഉപകാരപ്രദമായ ജീവകാരുണ്യ പ്രവർത്തനങ്ങൾ ഏറ്റെടുത്ത് നടപ്പാക്കുകയാണ് ട്രസ്റ്റിന്റെ ലക്ഷ്യമെന്ന് ഭാരവാഹികൾ അറിയിച്ചു. ട്രസ്റ്റിന്റെ ആദ്യ സംരംഭമായ ആംബുലൻസ് സേവനം പൊതുജനങ്ങൾക്ക് സമർപ്പിച്ചു.

### Related Links & Sources
- [Original Story Source](https://panoor.truevisionnews.com/news/370019/abubacker-siddique-charitable-trust-launched-in-pallur-ambulance-dedicated-to-the-community)