---
title: "കീം പരീക്ഷാഫലത്തിൽ അഭിമാനത്തിന്റെ നെറുകൈയ്യിൽ ചെറുവാഞ്ചേരിയും, തലശേരിയും :  എഞ്ചിനീയറിംഗിൽ  രണ്ടാം റാങ്ക് ധ്യാന്‍ തേജ്നും, ഏഴാം റാങ്ക് തലാൽ ശിഹാബുദീനും"
english_title: "Cheruvanchery and Thalassery are in the thick of pride in the KEEM exam results: Dhyan Tejan ranks second in engineering, and Talal Shihabudeen ranks seventh."
publisher: "panoornews.in"
canonical_url: "https://panoor.truevisionnews.com/news/368891/cheruvanchery-and-thalassery-are-in-the-thick-of-pride-in-the-keem-exam-results-dhyan-tejan-ranks-second-in-engineering-and-talal-shihabudeen-ranks-seventh"
published_at: "2026-06-27T20:21:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a3fe3fe4f64b_Untitled-2_copy.jpg"
keywords: []
---

# കീം പരീക്ഷാഫലത്തിൽ അഭിമാനത്തിന്റെ നെറുകൈയ്യിൽ ചെറുവാഞ്ചേരിയും, തലശേരിയും :  എഞ്ചിനീയറിംഗിൽ  രണ്ടാം റാങ്ക് ധ്യാന്‍ തേജ്നും, ഏഴാം റാങ്ക് തലാൽ ശിഹാബുദീനും

> **Lead Summary:** ചെറുവാഞ്ചേരി: സംസ്ഥാന എന്‍ജിനിയറിംഗ് പ്രവേശനത്തിനുളള കീം പരീക്ഷയില്‍ അങ്കമാലി അയ്യമ്പുഴ സ്വദേശി റോഷന്‍ രാജുവിന് ഒന്നാം റാങ്ക്. 96,750 പേര്‍ എഴുതിയ എഞ്ചിനീയറിംഗ് പ്രവേശന പരീക്ഷയില്‍ 64,759 പേരാണ് റാങ്ക് പട്ടികയില്‍ ഇടം നേടിയത്. സിബിഎസ്ഇ പുനര്‍മൂല്യ നിര്‍ണയത്തിന് അപേക്ഷ നല്‍കിയ പരമാവധി വിദ്യാര്‍ഥികള്‍ക്കും മാര്‍ക്ക് ലിസ്റ്റ് സമര്‍പ്പിക്കാന്‍ മതിയായ സമയം നല്‍കിയെന്ന് ഉന്നതവിദ്യാഭ്യാസ മന്ത്രി പറഞ്ഞു.

## Article Content

ചെറുവാഞ്ചേരി: സംസ്ഥാന എന്‍ജിനിയറിംഗ് പ്രവേശനത്തിനുളള കീം പരീക്ഷയില്‍ അങ്കമാലി അയ്യമ്പുഴ സ്വദേശി റോഷന്‍ രാജുവിന് ഒന്നാം റാങ്ക്. 96,750 പേര്‍ എഴുതിയ എഞ്ചിനീയറിംഗ് പ്രവേശന പരീക്ഷയില്‍ 64,759 പേരാണ് റാങ്ക് പട്ടികയില്‍ ഇടം നേടിയത്. സിബിഎസ്ഇ പുനര്‍മൂല്യ നിര്‍ണയത്തിന് അപേക്ഷ നല്‍കിയ പരമാവധി വിദ്യാര്‍ഥികള്‍ക്കും മാര്‍ക്ക് ലിസ്റ്റ് സമര്‍പ്പിക്കാന്‍ മതിയായ സമയം നല്‍കിയെന്ന് ഉന്നതവിദ്യാഭ്യാസ മന്ത്രി പറഞ്ഞു.

ജെഇഇ പരീക്ഷയിലെ ഒന്നാം റാങ്ക് നേട്ടത്തിന് പിന്നാലെയാണ് അയ്യമ്പുഴക്കാരന്‍ റോഷന്‍ രാജുവിനെ തേടി കീമിലെ ഒന്നാം റാങ്കുമെത്തിയത്.

ചെറുവഞ്ചേരി സ്വദേശിയാണ് രണ്ടാം റാങ്ക് നേടിയ ധ്യാന്‍ തേജ്. ഒന്നാം റാങ്കുകാരനും രണ്ടാം റാങ്കുകാരനും ഒരേ മാര്‍ക്കായിരുന്നെങ്കിലും ടൈ കമ്പ്യൂട്ടേഷനിലെ നേരിയ വ്യത്യാസത്തിലാണ് ധ്യാന്‍ രണ്ടാമനായത്. തൃശൂര്‍ സ്വദേശിനി വിസ്മയ കെ.ആര്‍ മൂന്നാം റാങ്ക് നേടി. തലശേരി ചിറക്കരയിലെ മുനവറാസിൽ തലാൽ ശിഹാബുദീൻ ഏഴാം റാങ്ക് നേടി.

ഫാര്‍മസി എന്‍ട്രന്‍സില്‍ വിനായക് നാരായണന്‍ ഒന്നാം റാങ്കും ജെസേ ജസ്റ്റിന്‍, ദിയ ഫാത്തിമ എന്നിവര്‍ രണ്ടും മൂന്നും റാങ്കുകളും നേടി. സിബിഎസ്ഇ പുനര്‍മൂല്യ നിര്‍ണയത്തിന് അപേക്ഷിച്ചവരില്‍ 13 ശതമാനം പേരുടെ ഫലം ഇനിയും വന്നിട്ടില്ലെങ്കിലും പരമാവധി സിബിഎസ്ഇക്കാര്‍ക്കും കീം റാങ്ക് നിര്‍ണയത്തിന് മാര്‍ക്ക് ലിസ്റ്റ് സമര്‍പ്പിക്കാനുളള സമയം നല്‍കിയെന്ന് മന്ത്രി പറഞ്ഞു. ഒന്നാം ഘട്ട ഓപ്ഷന്‍ രജിസ്ട്രേഷന്‍ ഈ മാസം മുപ്പതിന് തുടങ്ങും. ആഗസ്റ്റിന് മുമ്പ് പ്രവേശന നടപടികള്‍ അവസാനിപ്പിക്കാനാണ് ശ്രമം.

### Related Links & Sources
- [Original Story Source](https://panoor.truevisionnews.com/news/368891/cheruvanchery-and-thalassery-are-in-the-thick-of-pride-in-the-keem-exam-results-dhyan-tejan-ranks-second-in-engineering-and-talal-shihabudeen-ranks-seventh)