---
title: "കണ്ണൂർ ഉൾപ്പെടെ 4 ജില്ലകളിൽ മെയ് 25 വരെ ഭാഗിക വൈദ്യുതി നിയന്ത്രണം"
english_title: "Partial power cuts in 4 districts including Kannur till May 25"
publisher: "panoornews.in"
canonical_url: "https://panoor.truevisionnews.com/news/361079/partial-power-cuts-in-4-districts-including-kannur-till-may-25"
published_at: "2026-05-22T17:53:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a104b56ed57e_Untitled-4_copy.jpg"
keywords: []
---

# കണ്ണൂർ ഉൾപ്പെടെ 4 ജില്ലകളിൽ മെയ് 25 വരെ ഭാഗിക വൈദ്യുതി നിയന്ത്രണം

> **Lead Summary:** കോഴിക്കോട്, വയനാട്, കണ്ണൂര്‍, കാസറഗോഡ് ജില്ലകളില്‍ ഭാഗീകമായി വൈദ്യുതി തടസ്സപ്പെടാന്‍ സാധ്യതയുണ്ടെന്ന് കെ.എസ്.ഇ.ബി അറിയിച്ചു. പവര്‍‍ഗ്രിഡ് കോര്‍‍പ്പറേഷന്റെ കോഴിക്കോട് 400 കെവി സബ്സ്റ്റേഷനിലെ മൂന്നാമത് നമ്പര്‍ 500 എം വി എ ട്രാന്‍‍സ്ഫോര്‍‍മറിന്റെ 220 കെ വി ബുഷിംഗില്‍‍ തകരാര്‍ സംഭവിച്ചിരുന്നു.

## Article Content

കോഴിക്കോട്, വയനാട്, കണ്ണൂര്‍, കാസറഗോഡ് ജില്ലകളില്‍ ഭാഗീകമായി വൈദ്യുതി തടസ്സപ്പെടാന്‍ സാധ്യതയുണ്ടെന്ന് കെ.എസ്.ഇ.ബി അറിയിച്ചു. പവര്‍‍ഗ്രിഡ് കോര്‍‍പ്പറേഷന്റെ കോഴിക്കോട് 400 കെവി സബ്സ്റ്റേഷനിലെ മൂന്നാമത് നമ്പര്‍ 500 എം വി എ ട്രാന്‍‍സ്ഫോര്‍‍മറിന്റെ 220 കെ വി ബുഷിംഗില്‍‍ തകരാര്‍ സംഭവിച്ചിരുന്നു.

ഈ ട്രാന്‍‍സ്ഫോര്‍‍മറിന്റെ അറ്റകുറ്റപണികള്‍‍‍ക്ക് 12.05.2026 മുതൽ ഒരാഴ്ചക്കാലം വേണ്ടിവരുമെന്ന് പവര്‍‍ഗ്രിഡ് കോര്‍‍പ്പറേഷന്‍ (PGCIL) അറിയിച്ച സാഹചര്യത്തില്‍ കോഴിക്കോട്, വയനാട്, കണ്ണൂര്‍, കാസറഗോഡ് ജില്ലകളില്‍ മേല്‍ ദിവസങ്ങളില്‍ ഭാഗീകമായി വൈദ്യുതി നിയന്ത്രണം വേണ്ടിവരുമെന്ന് കെ.എസ്.ഇ.ബി.എല്‍ അറിയിച്ചിരുന്നു.

എന്നാല്‍ അറ്റകുറ്റപണികള്‍ തീര്‍‍ക്കാനുള്ള ജോലികള്‍ പൂര്‍‍ത്തിയാക്കുന്നതിന് 2026 മെയ് 25 വരെ സമയം ആവശ്യമായി വരുമെന്ന് പവര്‍‍ഗ്രിഡ് കോര്‍‍പ്പറേഷന്‍ ഇപ്പോള്‍ അറിയിച്ച സാഹചര്യത്തില്‍‍ 2026 മെയ് 25 വരെ കോഴിക്കോട്, വയനാട്, കണ്ണൂര്‍, കാസറഗോഡ് എന്നീ ജില്ലകളില്‍‍ ഭാഗീകമായി വൈദ്യുതി നിയന്ത്രണത്തിന് സാധ്യതയുള്ളതായി കെ.എസ്.ഇ.ബി.എല്‍ അറിയിച്ചു.

### Related Links & Sources
- [Original Story Source](https://panoor.truevisionnews.com/news/361079/partial-power-cuts-in-4-districts-including-kannur-till-may-25)