---
title: "കൂത്തുപറമ്പ് പ്രസ്സ് ഫോറം ഏർപ്പെടുത്തിയ  കെ.കെ. കൃഷ്ണൻ സ്മാരക മാധ്യമ പുരസ്‌കാരം ടി.കെ. അനൂപിന്"
english_title: "TK Anoop receives K.K. Krishnan Memorial Media Award instituted by Koothuparamba Press Forum"
publisher: "panoornews.in"
canonical_url: "https://panoor.truevisionnews.com/news/360553/tk-anoop-receives-kk-krishnan-memorial-media-award-instituted-by-koothuparamba-press-forum"
published_at: "2026-05-20T12:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a0d5cb59e06b_Untitled-2_copy.jpg"
keywords: []
---

# കൂത്തുപറമ്പ് പ്രസ്സ് ഫോറം ഏർപ്പെടുത്തിയ  കെ.കെ. കൃഷ്ണൻ സ്മാരക മാധ്യമ പുരസ്‌കാരം ടി.കെ. അനൂപിന്

> **Lead Summary:** കൂത്തുപറമ്പ്: കൂത്തുപറമ്പ് പ്രസ്സ് ഫോറത്തിന്റെ കെ.കെ. കൃഷ്ണൻ സ്മാരക മാധ്യമ പുരസ്‌കാരത്തിന് മാധ്യമ പ്രവർത്തകൻ ടി.കെ. അനൂപിനെ തെരഞ്ഞെടുത്തു. 5000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. ജൂലൈ 21ന് നടക്കുന്ന ചടങ്ങിൽ പ്രസിഡന്റ് ബിനോയ് കുരുവിന്റെ അധ്യക്ഷതയിൽ പുരസ്‌കാര സമർപ്പണം നടക്കും.

## Article Content

കൂത്തുപറമ്പ്: കൂത്തുപറമ്പ് പ്രസ്സ് ഫോറത്തിന്റെ കെ.കെ. കൃഷ്ണൻ സ്മാരക മാധ്യമ പുരസ്‌കാരത്തിന് മാധ്യമ പ്രവർത്തകൻ ടി.കെ. അനൂപിനെ തെരഞ്ഞെടുത്തു. 5000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. ജൂലൈ 21ന് നടക്കുന്ന ചടങ്ങിൽ പ്രസിഡന്റ് ബിനോയ് കുരുവിന്റെ അധ്യക്ഷതയിൽ പുരസ്‌കാര സമർപ്പണം നടക്കും.

ദേശാഭിമാനി പിണറായി ഏരിയ ലേഖകനായ അനൂപ് മാധ്യമ രംഗത്തെ സജീവ സാന്നിധ്യമാണ്. പ്രാദേശിക വിഷയങ്ങളിലെ വാർത്താ റിപ്പോർട്ടിംഗിലും സാമൂഹിക ഇടപെടലുകളിലും ശ്രദ്ധേയമായ പ്രവർത്തനമാണ് അദ്ദേഹം നടത്തിവരുന്നത്.

കുത്തുപറമ്പ് പ്രസ്സ് ഫോറത്തിന്റെ നേതൃത്വത്തിൽ സംഘടിപ്പിക്കുന്ന ചടങ്ങിൽ വിവിധ സാമൂഹിക-സാംസ്കാരിക രംഗങ്ങളിലെ പ്രമുഖർ പങ്കെടുക്കും. മാധ്യമ മേഖലയിലെ സംഭാവനകൾ പരിഗണിച്ചാണ് ഇത്തവണത്തെ പുരസ്‌കാരത്തിന് ടി.കെ. അനൂപിനെ തെരഞ്ഞെടുത്തതെന്ന് സംഘാടകർ അറിയിച്ചു.

വാർത്താസമ്മേളനത്തിൽ നഗരസഭ ചെയർപേഴ്സൺ വി. ഷിജിത്ത്, ജ്യൂറി അംഗം ജെ.പി. നിർമൽരാജ്, എൻ. ധനഞ്ജയൻ, ടി.കെ. അനീഷ്, എൻ. സുരേഷ്, എം.എ. ബിജു എന്നിവർ പങ്കെടുത്തു.

### Related Links & Sources
- [Original Story Source](https://panoor.truevisionnews.com/news/360553/tk-anoop-receives-kk-krishnan-memorial-media-award-instituted-by-koothuparamba-press-forum)