---
title: "കണ്ണൂരിൽ ലോറിയും ബൈക്കും കൂട്ടിയിടിച്ച് മെക്കാനിക്കിന് ദാരുണാന്ത്യം ; അപകടം ജോലി സ്ഥലത്തേക്ക്  പോകവേ,ലോറി ഡ്രൈവർക്കെതിരെ കേസ്"
english_title: "Mechanic dies in Kannur lorry-bike collision; Accident happened on way to work, case filed against lorry driver"
publisher: "panoornews.in"
canonical_url: "https://panoor.truevisionnews.com/news/360253/mechanic-dies-in-kannur-lorry-bike-collision-accident-happened-on-way-to-work-case-filed-against-lorry-driver"
published_at: "2026-05-18T20:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a0b2ebe02cb3_6a0b221f59e30_accident.jpg"
keywords: []
---

# കണ്ണൂരിൽ ലോറിയും ബൈക്കും കൂട്ടിയിടിച്ച് മെക്കാനിക്കിന് ദാരുണാന്ത്യം ; അപകടം ജോലി സ്ഥലത്തേക്ക്  പോകവേ,ലോറി ഡ്രൈവർക്കെതിരെ കേസ്

> **Lead Summary:** എടക്കാട് നടാലിൽ ലോറിയും ബൈക്കും കൂട്ടിയിടിച്ച് മെക്കാനിക്ക് മരിച്ചു. ബൈക്ക് യാത്രക്കാരനായ കണ്ണൂർ താണയിലെ കൈരളി എഞ്ചിനിയറിങ് സ്ഥാപനത്തിലെ മെക്കാനിക്ക് അണ്ടലൂർ കാവിന് സമീപത്തെ ശ്രീ ശ്രാവൺ ഹൗസിലെ ദിനേശൻ ആണ് മരിച്ചത്.

## Article Content

എടക്കാട് നടാലിൽ ലോറിയും ബൈക്കും കൂട്ടിയിടിച്ച് മെക്കാനിക്ക് മരിച്ചു. ബൈക്ക് യാത്രക്കാരനായ കണ്ണൂർ താണയിലെ കൈരളി എഞ്ചിനിയറിങ് സ്ഥാപനത്തിലെ മെക്കാനിക്ക് അണ്ടലൂർ കാവിന് സമീപത്തെ ശ്രീ ശ്രാവൺ ഹൗസിലെ ദിനേശൻ ആണ് മരിച്ചത്.

ഇന്നു രാവിലെ വീട്ടിൽ നിന്നും ജോലി സ്ഥലത്തേക്ക് ബൈക്കിൽ വരവേ നടാലിന് സമീപം വെച്ചായിരുന്നു അപകടം ഉണ്ടായത്. ഉടൻ തന്നെ നാട്ടുകാർ ചാലയിടെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മേലൂരിലെ പരേതരായ കൃഷ്ണന്റെയും ജാനുവിന്റെയും മകനാണ് ദിനേശൻ.

ശ്രീജയാണ് ദിനേശന്റെ ഭാര്യ. മുദൂൽ, അമൃത് എന്നിവർ മക്കളാണ്. ഉഷ, രാധ, സുധ, പരേതയായ നിർമ്മല എന്നിവർ സഹോദരങ്ങളാണ്. എടക്കാട് പൊലിസ് ഇൻക്വസ്റ്റ് നടത്തി. ലോറി ഡ്രൈവർക്കെതിരെ കേസെടുത്തിട്ടുണ്ട്.

### Related Links & Sources
- [Original Story Source](https://panoor.truevisionnews.com/news/360253/mechanic-dies-in-kannur-lorry-bike-collision-accident-happened-on-way-to-work-case-filed-against-lorry-driver)