---
title: "ചമ്പാട് അരയാക്കൂൽ ശ്രീ ചന്ത്രോത്ത് ശിവക്ഷേത്രത്തിൽ ഭക്തിസാന്ദ്രമായ അന്തരീക്ഷത്തിൽ ഏകാദശദ്രവ്യ രുദ്രാഭിഷേകം നടത്തി.   "
english_title: "The Ekadashadaravya Rudrabhishekam was performed in a devotional atmosphere at the Arayakul Sree Chantroth Shiva Temple in Champad."
publisher: "panoornews.in"
canonical_url: "https://panoor.truevisionnews.com/news/360176/the-ekadashadaravya-rudrabhishekam-was-performed-in-a-devotional-atmosphere-at-the-arayakul-sree-chantroth-shiva-temple-in-champad"
published_at: "2026-05-18T14:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a0ad6fc2e86d_Untitled-4_copy.jpg"
keywords: []
---

# ചമ്പാട് അരയാക്കൂൽ ശ്രീ ചന്ത്രോത്ത് ശിവക്ഷേത്രത്തിൽ ഭക്തിസാന്ദ്രമായ അന്തരീക്ഷത്തിൽ ഏകാദശദ്രവ്യ രുദ്രാഭിഷേകം നടത്തി.   

> **Lead Summary:** ചമ്പാട്: ചമ്പാട് അരയാക്കൂൽ ശ്രീ ചന്ത്രോത്ത് ശിവക്ഷേത്രത്തിൽ ഭക്തിസാന്ദ്രമായ അന്തരീക്ഷത്തിൽ ഏകാദശദ്രവ്യ രുദ്രാഭിഷേകം നടത്തി.ക്ഷേത്രം തന്ത്രിവര്യൻ വെള്ളൂരില്ലത്ത് ശ്രീ പരമേശ്വരൻ നമ്പൂതിരിയുടെ മുഖ്യ കാർമ്മികത്വത്തിലായിരുന്നു ചടങ്ങുകൾ നടന്നത്.

## Article Content

ചമ്പാട്: ചമ്പാട് അരയാക്കൂൽ ശ്രീ ചന്ത്രോത്ത് ശിവക്ഷേത്രത്തിൽ ഭക്തിസാന്ദ്രമായ അന്തരീക്ഷത്തിൽ ഏകാദശദ്രവ്യ രുദ്രാഭിഷേകം നടത്തി.ക്ഷേത്രം തന്ത്രിവര്യൻ വെള്ളൂരില്ലത്ത് ശ്രീ പരമേശ്വരൻ നമ്പൂതിരിയുടെ മുഖ്യ കാർമ്മികത്വത്തിലായിരുന്നു ചടങ്ങുകൾ നടന്നത്.

പുലർച്ചെ ആരംഭിച്ച പൂജാ ചടങ്ങുകൾക്ക് പിന്നാലെ വേദമന്ത്രങ്ങളുടെയും ശിവനാമ ജപങ്ങളുടെയും അകമ്പടിയോടെ അഭിഷേക കർമ്മങ്ങൾ നടന്നു.

പാൽ, തൈര്, നെയ്, തേൻ, ഇളനീർ തുടങ്ങി പതിനൊന്ന് വിശുദ്ധ ദ്രവ്യങ്ങൾ ഉപയോഗിച്ചായിരുന്നു രുദ്രാഭിഷേകം. ക്ഷേത്രത്തിൽ എത്തിയ ഭക്തജനങ്ങൾ വലിയ ആത്മീയ ഭക്തിയോടെയാണ് ചടങ്ങുകളിൽ പങ്കുചേർന്നത്. ചടങ്ങിനോടനുബന്ധിച്ച് പ്രത്യേക പൂജകളും പ്രാർത്ഥനകളും നടന്നു.

ക്ഷേത്രം ഭാരവാഹികൾ, വിവിധ പ്രദേശങ്ങളിൽ നിന്നെത്തിയ ഭക്തർ, സ്ത്രീകളും കുട്ടികളുമടക്കം നിരവധി പേർ ചടങ്ങിൽ സാന്നിധ്യം വഹിച്ചു. ക്ഷേത്ര പരിസരത്ത് ഭക്തിനിർഭരമായ അന്തരീക്ഷമാണ് അനുഭവപ്പെട്ടത്. ചടങ്ങുകൾക്ക് ശേഷം പ്രസാദ വിതരണവും, അന്നദാനവും നടന്നു.

### Related Links & Sources
- [Original Story Source](https://panoor.truevisionnews.com/news/360176/the-ekadashadaravya-rudrabhishekam-was-performed-in-a-devotional-atmosphere-at-the-arayakul-sree-chantroth-shiva-temple-in-champad)