---
title: "കുന്നോത്ത്‌ പറമ്പ് എഇ വിനോദിന് സ്നേഹോഷ്മള യാത്രയയപ്പ്"
english_title: "A warm farewell to AE Vinod of Kunnothu Paramba"
publisher: "panoornews.in"
canonical_url: "https://panoor.truevisionnews.com/news/357435/a-warm-farewell-to-ae-vinod-of-kunnothu-paramba"
published_at: "2026-05-05T12:58:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69f99c9e69362_Untitled-2_copy.jpg"
keywords: []
---

# കുന്നോത്ത്‌ പറമ്പ് എഇ വിനോദിന് സ്നേഹോഷ്മള യാത്രയയപ്പ്

> **Lead Summary:** പാനൂർ : കുന്നോത്ത് പറമ്പ് ഗ്രാമ പഞ്ചായത്തിലെ അസിസ്റ്റന്റ് എഞ്ചിനീയറായ വിനോദിന് സർവീസിൽ നിന്നും വിരമിക്കുന്നതിനോടനുബന്ധിച്ച് സ്നേഹോഷ്മളമായ യാത്രയയപ്പ് നൽകി. പഞ്ചായത്ത് ഭരണ സമിതിയും ജീവനക്കാരും ചേർന്നാണ് ചടങ്ങ് സംഘടിപ്പിച്ചത്.

## Article Content

പാനൂർ : കുന്നോത്ത് പറമ്പ് ഗ്രാമ പഞ്ചായത്തിലെ അസിസ്റ്റന്റ് എഞ്ചിനീയറായ വിനോദിന് സർവീസിൽ നിന്നും വിരമിക്കുന്നതിനോടനുബന്ധിച്ച് സ്നേഹോഷ്മളമായ യാത്രയയപ്പ് നൽകി. പഞ്ചായത്ത് ഭരണ സമിതിയും ജീവനക്കാരും ചേർന്നാണ് ചടങ്ങ് സംഘടിപ്പിച്ചത്.

പഞ്ചായത്ത് ഹാളിൽ നടന്ന ചടങ്ങിൽ പഞ്ചായത്ത് പ്രസിഡന്റ് കെ. ഫസീല അധ്യക്ഷത വഹിച്ചു. വിനോദിന്റെ ദീർഘകാല സേവനത്തെ പ്രശംസിച്ച പ്രസിഡന്റ്, പഞ്ചായത്തിന്റെ വിവിധ വികസന പ്രവർത്തനങ്ങളിൽ നിർണായക പങ്ക് വഹിച്ച ഉദ്യോഗസ്ഥനായിരുന്നു വിനോദ് എന്ന് പറഞ്ഞു. തുടർന്ന് സ്നേഹോപഹാരം കൈമാറി ആദരിച്ചു.

പദ്ധതി നിർവഹണം, അടിസ്ഥാന സൗകര്യ വികസനം, പൊതുപ്രവർത്തനങ്ങൾ എന്നിവയിൽ മികച്ച സംഘാടന കഴിവും ഉത്തരവാദിത്തബോധവും കാട്ടിയ വിനോദ്, സഹപ്രവർത്തകരുടെയും ജനങ്ങളുടെയും ആദരവും വിശ്വാസവും നേടിയ വ്യക്തിയായിരുന്നു. സമയബന്ധിതമായി പദ്ധതികൾ പൂർത്തിയാക്കുന്നതിലും ഗുണമേന്മ ഉറപ്പാക്കുന്നതിലും അദ്ദേഹത്തിന്റെ പ്രവർത്തനം മാതൃകാപരമായിരുന്നു.

ചടങ്ങിൽ പഞ്ചായത്ത് വൈസ് പ്രസിഡന്റ്, സ്ഥിരം സമിതി അധ്യക്ഷന്മാർ, അംഗങ്ങൾ, ജീവനക്കാർ തുടങ്ങിയവർ ആശംസകൾ നേർന്ന് സംസാരിച്ചു. സേവന ജീവിതത്തിൽ സഹകരിച്ച എല്ലാവർക്കും വിനോദ് നന്ദി അറിയിച്ചു.

വിരമിക്കുന്നതിനുശേഷവും സാമൂഹിക രംഗത്ത് സജീവമായി തുടരുമെന്ന് വിനോദ് വ്യക്തമാക്കി.

### Related Links & Sources
- [Original Story Source](https://panoor.truevisionnews.com/news/357435/a-warm-farewell-to-ae-vinod-of-kunnothu-paramba)