---
title: "നിതിൻ രാജിന്റെ മരണം ; ഡോ.എം.കെ റാമിന്റെ മുൻകൂർ ജാമ്യാപേക്ഷ തള്ളി ; ഡോ. സംഗീത നമ്പ്യാർക്ക് ജാമ്യം"
english_title: "Nitin Raj's death; Dr. M.K. Ram's anticipatory bail plea rejected; Dr. Sangeetha Nambiar granted bail"
publisher: "panoornews.in"
canonical_url: "https://panoor.truevisionnews.com/news/355359/nitin-rajs-death-dr-mk-rams-anticipatory-bail-plea-rejected-dr-sangeetha-nambiar-granted-bail"
published_at: "2026-04-25T13:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69ec763105aef_images_(1).jpg"
keywords: []
---

# നിതിൻ രാജിന്റെ മരണം ; ഡോ.എം.കെ റാമിന്റെ മുൻകൂർ ജാമ്യാപേക്ഷ തള്ളി ; ഡോ. സംഗീത നമ്പ്യാർക്ക് ജാമ്യം

> **Lead Summary:** അഞ്ചരക്കണ്ടി ഡെന്റൽ കോളേജിലെ ഒന്നാം വർഷ വിദ്യാർഥി നിതിൻ രാജിന്റെ മരണത്തിൽ പ്രതി ചേർത്ത അധ്യാപകരുടെ മുൻ‌കൂർ ജാമ്യ ഹർജിയിൽ ഡോ.എം.കെ റാമിന്റെ ജാമ്യാപേക്ഷ തള്ളി.. അതേ സമയം ഡോ.സംഗീത നമ്പ്യാർക്ക് കോടതി മുൻകൂർ ജാമ്യം നൽകി. തലശ്ശേരി അഡീഷണൽ സെഷൻസ് കോടതി നാലാണ് വിധി പറഞ്ഞത്.

## Article Content

അഞ്ചരക്കണ്ടി ഡെന്റൽ കോളേജിലെ ഒന്നാം വർഷ വിദ്യാർഥി നിതിൻ രാജിന്റെ മരണത്തിൽ പ്രതി ചേർത്ത അധ്യാപകരുടെ മുൻ‌കൂർ ജാമ്യ ഹർജിയിൽ ഡോ.എം.കെ റാമിന്റെ ജാമ്യാപേക്ഷ തള്ളി.. അതേ സമയം ഡോ.സംഗീത നമ്പ്യാർക്ക് കോടതി മുൻകൂർ ജാമ്യം നൽകി. തലശ്ശേരി അഡീഷണൽ സെഷൻസ് കോടതി നാലാണ് വിധി പറഞ്ഞത്.

കഴിഞ്ഞ ദിവസം പ്രതിഭാഗത്തിന്റെയും പ്രോസിക്യൂഷന്റെയും നിതിൻ രാജിന്റെ കുടുംബത്തിന്റെയും വിശദമായ വാദം കോടതിയിൽ നടന്നിരുന്നു. ലോൺ ആപ്പുമായി ബന്ധപ്പെട്ട് പ്രിൻസിപ്പലിന്റെ മുറിയിൽ നടന്ന കാരണങ്ങളാണ് നിതിനെ ജീവനൊടുക്കാൻ പ്രേരിപ്പിച്ചത് എന്നായിരുന്നു ഡോ റാമിന്റെ പ്രധാന വാദം.

താനും ദളിത് വിഭാഗത്തിൽ പെട്ട ആളാണെന്ന റാമിന്റെ വാദത്തിനെതിരെ പ്രോസിക്യൂഷൻ കോടതിയിൽ തെളിവ് ഹാജരാക്കി ഈ വാദം തള്ളിയിരുന്നു. സംഭവ സമയം നാട്ടിൽ ഉണ്ടായിരുന്നില്ല എന്നാണ് ഡോ സംഗീതയുടെ വാദം. ലോൺ ആപ്പ് വിഷയത്തിൽ പരാതി നൽകാൻ അധ്യാപികയായ ലത ശശിധരനെ പ്രേരിപ്പിച്ചത് റാം ആണെന്നും ഇത് നിതിനോടുള്ള വൈരാഗ്യം കൊണ്ടാണ് എന്നുമുള്ള പ്രോസിക്യൂഷൻ വാദം കോടതി അംഗീകരിക്കുകയായിരുന്നു.

### Related Links & Sources
- [Original Story Source](https://panoor.truevisionnews.com/news/355359/nitin-rajs-death-dr-mk-rams-anticipatory-bail-plea-rejected-dr-sangeetha-nambiar-granted-bail)