---
title: "മൊബൈലിലേക്ക് വരുന്ന മെസേജുകളിൽ ജാഗ്രത വേണം ; പാചകവാതക ബുക്കിങ്ങിൻ്റെ മറവിലും സൈബർ തട്ടിപ്പ്"
english_title: "Be careful with messages coming to your mobile; Cyber ​​fraud also occurs under the guise of cooking gas bookings"
publisher: "panoornews.in"
canonical_url: "https://panoor.truevisionnews.com/news/348807/be-careful-with-messages-coming-to-your-mobile-cyber-fraud-also-occurs-under-the-guise-of-cooking-gas-bookings"
published_at: "2026-03-20T16:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69bd2a1fda10d_Untitled-3_copy.jpg"
keywords: []
---

# മൊബൈലിലേക്ക് വരുന്ന മെസേജുകളിൽ ജാഗ്രത വേണം ; പാചകവാതക ബുക്കിങ്ങിൻ്റെ മറവിലും സൈബർ തട്ടിപ്പ്

> **Lead Summary:** കണ്ണൂർ : ഗ്യാസ് സിലിണ്ടർ ബുക്കിങ്ങിന്റെയും ബിൽ പുതുക്കലിന്റെയും പേരിൽ സംസ്ഥാനത്ത് സൈബർ തട്ടിപ്പ് സംഘം സജീവമെന്ന് പൊലീസ്. സിലിണ്ടറുകളുടെ ലഭ്യതക്കുറവ് മുതലെടുത്താണ് തട്ടിപ്പുകാർ ഉപഭോക്താക്കളെ വലയിലാക്കുന്നത്.

## Article Content

കണ്ണൂർ : ഗ്യാസ് സിലിണ്ടർ ബുക്കിങ്ങിന്റെയും ബിൽ പുതുക്കലിന്റെയും പേരിൽ സംസ്ഥാനത്ത് സൈബർ തട്ടിപ്പ് സംഘം സജീവമെന്ന് പൊലീസ്. സിലിണ്ടറുകളുടെ ലഭ്യതക്കുറവ് മുതലെടുത്താണ് തട്ടിപ്പുകാർ ഉപഭോക്താക്കളെ വലയിലാക്കുന്നത്.

ആദ്യം മൊബൈൽ ഫോണിലേക്ക് ഒരു ടെക്സ്റ്റ് സന്ദേശം വരുന്നു. തുടർന്ന് വാട്സാപ്പ് വഴി ബന്ധപ്പെടുന്ന തട്ടിപ്പുകാർ എപികെ ഫയൽ അയച്ച് നൽകി ബുക്കിംഗ് വിവരങ്ങൾ അപ്‌ഡേറ്റ് ചെയ്യാനോ കുടിശ്ശിക തീർക്കാനോ അത് ഇൻസ്റ്റാൾ ചെയ്യണമെന്ന് ആവശ്യപ്പെടും.

ഈ എപികെ ഫയൽ ഇൻസ്റ്റാൾ ചെയ്യുന്നതോടെ ഫോണിന്റെ നിയന്ത്രണം തട്ടിപ്പുകാർ കൈക്കലാക്കും.തുടർന്ന് ബാങ്ക് വിവരങ്ങളും യുപിഐ പിൻ നമ്പറുകളും ചോർത്തുകയും ഉപഭോക്താവ് അറിയാതെ അക്കൗണ്ടിൽ നിന്ന് പണം നഷ്ടമാവുകയും ചെയ്യും.

### Related Links & Sources
- [Original Story Source](https://panoor.truevisionnews.com/news/348807/be-careful-with-messages-coming-to-your-mobile-cyber-fraud-also-occurs-under-the-guise-of-cooking-gas-bookings)