---
title: "ബസ് ഓടിച്ചുകൊണ്ടിരിക്കെ കെഎസ്ആർടിസി ഡ്രൈവർ  ഹൃദയാഘാതത്തെ തുടർന്ന് മരിച്ചു ; സ്റ്റിയറിംഗ് നിയന്ത്രണം ഏറ്റെടുത്ത് വന്‍ അപകടമൊഴിവാക്കി യാത്രക്കാരൻ"
english_title: "KSRTC driver dies of heart attack while driving bus; passenger takes control of steering and avoids major accident"
publisher: "panoornews.in"
canonical_url: "https://panoor.truevisionnews.com/news/344351/ksrtc-driver-dies-of-heart-attack-while-driving-bus-passenger-takes-control-of-steering-and-avoids-major-accident"
published_at: "2026-02-26T12:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699ff2691a847_699fe70cf2351_heart_attack.jpg"
keywords: []
---

# ബസ് ഓടിച്ചുകൊണ്ടിരിക്കെ കെഎസ്ആർടിസി ഡ്രൈവർ  ഹൃദയാഘാതത്തെ തുടർന്ന് മരിച്ചു ; സ്റ്റിയറിംഗ് നിയന്ത്രണം ഏറ്റെടുത്ത് വന്‍ അപകടമൊഴിവാക്കി യാത്രക്കാരൻ

> **Lead Summary:** മാവേലിക്കരയിൽ ഓടിക്കൊണ്ടിരിക്കെ കെഎസ്ആർടിസി ഡ്രൈവർ ഹൃദയാഘാതത്തെ തുടർന്ന് മരിച്ചു. ചെന്നിത്തല സ്വദേശി പ്രദീപ് എന്ന ഡ്രൈവറാണ് മരിച്ചത്. ബസ് അപകടത്തിൽപ്പെട്ടതിനെ തുടർന്ന് യാത്രക്കാർക്കും പരിക്കേറ്റു. ഇന്ന് രാവിലെയാണ് സംഭവം നടന്നത്.

## Article Content

മാവേലിക്കരയിൽ ഓടിക്കൊണ്ടിരിക്കെ കെഎസ്ആർടിസി ഡ്രൈവർ ഹൃദയാഘാതത്തെ തുടർന്ന് മരിച്ചു. ചെന്നിത്തല സ്വദേശി പ്രദീപ് എന്ന ഡ്രൈവറാണ് മരിച്ചത്. ബസ് അപകടത്തിൽപ്പെട്ടതിനെ തുടർന്ന് യാത്രക്കാർക്കും പരിക്കേറ്റു. ഇന്ന് രാവിലെയാണ് സംഭവം നടന്നത്.

പത്തനംതിട്ടയില്‍ നിന്ന് ചെങ്ങന്നൂരിലേക്ക് പോകുന്ന ബസിലെ ഡ്രൈവര്‍ക്കാണ് ഹൃദയാഘാതമുണ്ടായത്. ഡ്രൈവര്‍ ബോധരഹിതനായതിനെത്തുടര്‍ന്ന് ബസിലുണ്ടായിരുന്ന യാത്രക്കാരന്‍റെ സമയോചിത ഇടപെടലിലാണ് വന്‍ അപകടം ഒഴിവായത്.

യാത്രക്കാരന്‍ സ്റ്റിയറിങ് നിയന്ത്രണം ഏറ്റെടുക്കുകയും ബസ് റോഡരികിലെ കടയുടെ ബോര്‍ഡിലേക്കും മതിലിലേക്കും ഇടിച്ചു കയറുകയായിരുന്നു. അപകടത്തിന് പിന്നാലെ യാത്രക്കാര്‍ക്ക് പരിക്കേറ്റു. ഇവരെ മാവേലിക്കര താലൂക്ക് ആശുപത്രിയില്‍ പ്രവേശിപ്പിച്ചു

### Related Links & Sources
- [Original Story Source](https://panoor.truevisionnews.com/news/344351/ksrtc-driver-dies-of-heart-attack-while-driving-bus-passenger-takes-control-of-steering-and-avoids-major-accident)