---
title: "ദേശീയ ഗുണനിലവാര അംഗീകാരം നേടാൻ ചൊക്ലി കുടുംബാരോഗ്യ കേന്ദ്രം ;  NQAS പരിശോധന പൂർത്തിയായി"
english_title: "Chokli Family Health Center to get National Quality Accreditation; NQAS inspection completed"
publisher: "panoornews.in"
canonical_url: "https://panoor.truevisionnews.com/news/337224/chokli-family-health-center-to-get-national-quality-accreditation-nqas-inspection-completed"
published_at: "2026-01-20T10:53:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/696f1184999c5_Untitled-4_copy.jpg"
keywords: []
---

# ദേശീയ ഗുണനിലവാര അംഗീകാരം നേടാൻ ചൊക്ലി കുടുംബാരോഗ്യ കേന്ദ്രം ;  NQAS പരിശോധന പൂർത്തിയായി

> **Lead Summary:** കേന്ദ്ര ആരോഗ്യ കുടുംബക്ഷേമ മന്ത്രാലയം നടപ്പിലാക്കുന്ന നാഷണൽ ക്വാളിറ്റി അഷ്വറൻസ് സ്റ്റാൻഡേർഡ്സ് പരിശോധന ചൊക്ലി കുടുംബാരോഗ്യ കേന്ദ്രത്തിൽ വിജയകരമായി പൂർത്തിയായി. ജനുവരി 12, 13 തീയതികളിലായാണ് ദേശീയതലത്തിലുള്ള ഉദ്യോഗസ്ഥർ ആശുപത്രിയിലെത്തി ഗുണനിലവാര പരിശോധന നടത്തിയത്.

## Article Content

കേന്ദ്ര ആരോഗ്യ കുടുംബക്ഷേമ മന്ത്രാലയം നടപ്പിലാക്കുന്ന നാഷണൽ ക്വാളിറ്റി അഷ്വറൻസ് സ്റ്റാൻഡേർഡ്സ് പരിശോധന ചൊക്ലി കുടുംബാരോഗ്യ കേന്ദ്രത്തിൽ വിജയകരമായി പൂർത്തിയായി. ജനുവരി 12, 13 തീയതികളിലായാണ് ദേശീയതലത്തിലുള്ള ഉദ്യോഗസ്ഥർ ആശുപത്രിയിലെത്തി ഗുണനിലവാര പരിശോധന നടത്തിയത്.

പൊതുജനാരോഗ്യ സൗകര്യങ്ങൾ, രോഗി പരിചരണം, സേവന വ്യവസ്ഥകളുടെ കാര്യക്ഷമത, അണുബാധ നിയന്ത്രണം, ക്വാളിറ്റി മാനേജ്മെന്റ് തുടങ്ങിയ വിവിധ മാനദണ്ഡങ്ങൾ മുൻനിർത്തിയാണ് പരിശോധന നടന്നത്. ആന്ധ്രപ്രദേശിൽ നിന്നുള്ള ഡോക്ടർ രൂപ്കുമാർ ബോയ, തമിഴ്‌നാട് സ്വദേശി ഇളംഗോ ടി.പി എന്നിവരടങ്ങിയ സംഘമാണ് പരിശോധനക്ക് നേതൃത്വം നൽകിയത്.

മെഡിക്കൽ ഓഫീസർ ഡോ. നീതു എം, ആശുപത്രി ജീവനക്കാർ, ഗ്രാമപഞ്ചായത്ത് ഭരണസമിതി അംഗങ്ങൾ എന്നിവർ ചേർന്ന് പരിശോധനാ സംഘത്തെ സ്വീകരിച്ചു.

ജില്ലാ ക്വാളിറ്റി ഓഫീസർ ജിനീഷ്, പിണറായി ബ്ലോക്ക് പി.ആർ.ഒ അഖില എന്നിവർ പരിശോധനയിൽ ഉടനീളം പങ്കെടുത്തു. ചൊക്ലി ഗ്രാമപഞ്ചായത്ത് പ്രസിഡന്റ് എൻ. അനൂപ്, വൈസ് പ്രസിഡന്റ് സപ്ന കെ.എം, ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ.ടി.കെ പ്രദീപൻ എന്നിവർ രണ്ടു ദിവസവും സന്നിഹിതരായിരുന്നു.

ആശുപത്രിയുടെ ഭൗതിക സാഹചര്യങ്ങളും സേവനങ്ങളും വിലയിരുത്തിയ സംഘം, മികവിന്റെ അടിസ്ഥാനത്തിൽ എൻ.ക്യു.എ.എസ് അംഗീകാരത്തിനായി ശുപാർശ നൽകും.

### Related Links & Sources
- [Original Story Source](https://panoor.truevisionnews.com/news/337224/chokli-family-health-center-to-get-national-quality-accreditation-nqas-inspection-completed)