---
title: "മകളുടെ ബന്ധം ചോദ്യം ചെയ്തതിന്  പിതാവിനെ വെട്ടിവീഴ്ത്തി അയൽവാസിയായ യുവാവ് ; ഒടുവിൽ അറസ്റ്റ്"
english_title: "Neighborhood youth beats up father for questioning daughter's relationship; finally arrested"
publisher: "panoornews.in"
canonical_url: "https://panoor.truevisionnews.com/news/336611/neighborhood-youth-beats-up-father-for-questioning-daughters-relationship-finally-arrested"
published_at: "2026-01-16T11:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6969cfc992050_5b577270-8b4c-42d2-8004-555502846a5c.jfif"
keywords: []
---

# മകളുടെ ബന്ധം ചോദ്യം ചെയ്തതിന്  പിതാവിനെ വെട്ടിവീഴ്ത്തി അയൽവാസിയായ യുവാവ് ; ഒടുവിൽ അറസ്റ്റ്

> **Lead Summary:** മംഗലംഡാം തളികകല്ല് ആദിവാസി ഉന്നതിയിൽ അയൽവാസിയുടെ വെട്ടേറ്റ് കുടുംബനാഥൻ കൊല്ലപ്പെട്ടു. തളികക്കല്ല് ഉന്നതിയിലെ രാജാമണി ആണ് കൊല്ലപ്പെട്ടത്.

## Article Content

മംഗലംഡാം തളികകല്ല് ആദിവാസി ഉന്നതിയിൽ അയൽവാസിയുടെ വെട്ടേറ്റ് കുടുംബനാഥൻ കൊല്ലപ്പെട്ടു. തളികക്കല്ല് ഉന്നതിയിലെ രാജാമണി ആണ് കൊല്ലപ്പെട്ടത്.

അയൽവാസിയായ രാഹുലാണ് കൊലപ്പെടുത്തിയത്. കൊലപാതകത്തിനുശേഷം കാട്ടിലേക്ക് കയറിയ പ്രതിയെ ഇന്ന് പുലർച്ചെ പിടികൂടി. വ്യാഴാഴ്ച രാത്രി ഒൻപത് മണിയോടു കൂടിയാണ് സംഭവം.

തളികല്ലിലെ വീടിന്‍റെ സമീപത്ത് വെച്ച് കൊടുവാൾ കൊണ്ട് വെട്ടി കൊലപ്പെടുത്തുകയാണെന്നാണ് പറയുന്നത്. രാജാമണിയുടെ മകളും രാഹുലും തമ്മിലുള്ള ബന്ധം ചോദ്യം ചെയ്തതാണ് കൊലപാതകത്തിന് പിന്നിലെന്ന് മംഗലംഡാം പൊലീസ് പറഞ്ഞു.

വെട്ടേറ്റ് ഗുരുതരമായി പരിക്കേറ്റ രാജാമണിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തെതുടര്‍ന്ന് പൊലീസ് സ്ഥലത്തെത്തി അന്വേഷണം ആരംഭിച്ചിരുന്നു.

സംഭവത്തിനുശേഷം രാഹുൽ സ്ഥലത്ത് നിന്ന് കടന്നുകളയുകയായിരുന്നു. പ്രതിക്കായുള്ള തെരച്ചിൽ തുടരുന്നതിനിടെയാണ് ഇന്ന് പുലര്‍ച്ചെ പിടികൂടിയത്. രാജാമണിയുടെ മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.

### Related Links & Sources
- [Original Story Source](https://panoor.truevisionnews.com/news/336611/neighborhood-youth-beats-up-father-for-questioning-daughters-relationship-finally-arrested)