---
title: "എൽഡിഎഫ് സ്ഥാനാർത്ഥിയുടെ തലയടിച്ചു പൊട്ടിച്ചു ;  ആറ് ബിജെപി പ്രവർത്തകർക്കെതിരെ കൊലപാതക ശ്രമത്തിന് കേസ്"
english_title: "LDF candidate's head was smashed; Six BJP workers booked for attempted murder"
publisher: "panoornews.in"
canonical_url: "https://panoor.truevisionnews.com/news/331368/ldf-candidates-head-was-smashed-six-bjp-workers-booked-for-attempted-murder"
published_at: "2025-12-16T10:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6940e6585b7dd_6940d9df0ae28_case.jpg"
keywords: []
---

# എൽഡിഎഫ് സ്ഥാനാർത്ഥിയുടെ തലയടിച്ചു പൊട്ടിച്ചു ;  ആറ് ബിജെപി പ്രവർത്തകർക്കെതിരെ കൊലപാതക ശ്രമത്തിന് കേസ്

> **Lead Summary:** ആലപ്പുഴയിൽ എൽഡിഎഫ് സ്ഥാനാർത്ഥിക്ക് നേരെയുണ്ടായ ‌ആക്രമണത്തിൽ 6 ബിജെപി പ്രവർത്തകർക്കെതിരെ കേസെടുത്തു. കൈനടി പൊലീസ് ആണ് കൊലപാതകശ്രമത്തിന് കേസെടുത്തത്. എൽഡിഎഫിൽ നിന്ന് ബിജെപി ഭരണം പിടിച്ച നീലംപേരൂർ പഞ്ചായത്തിലാണ് സംഭവം.

## Article Content

ആലപ്പുഴയിൽ എൽഡിഎഫ് സ്ഥാനാർത്ഥിക്ക് നേരെയുണ്ടായ ‌ആക്രമണത്തിൽ 6 ബിജെപി പ്രവർത്തകർക്കെതിരെ കേസെടുത്തു. കൈനടി പൊലീസ് ആണ് കൊലപാതകശ്രമത്തിന് കേസെടുത്തത്. എൽഡിഎഫിൽ നിന്ന് ബിജെപി ഭരണം പിടിച്ച നീലംപേരൂർ പഞ്ചായത്തിലാണ് സംഭവം.

ജില്ലാ പഞ്ചായത്തിലേക്ക് മത്സരിച്ച ഡിവൈഎഫ്ഐ ജില്ലാ ജോയിന്റ് സെക്രട്ടറി കൂടിയായ രാംജിത്തിന്റെ തല അടിച്ചു തകർക്കുകയായിരുന്നു ബിജെപി പ്രവർത്തകർ. ആക്രമണത്തിൽ രാംജിത്തിന് ഗുരുതരമായി പരിക്കേറ്റിട്ടുണ്ട്. ഇയാൾ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്. ഫലം വന്നതുമായി ബന്ധപ്പെട്ടുണ്ടായ തർക്കമാണ് ആക്രമണത്തിന് കാരണമെന്നാണ് പൊലീസ് പറയുന്നത്. സംഭവത്തിൽ ബിജെപി പ്രവർത്തകർക്കും പരിക്കേറ്റിട്ടുണ്ട്.

### Related Links & Sources
- [Original Story Source](https://panoor.truevisionnews.com/news/331368/ldf-candidates-head-was-smashed-six-bjp-workers-booked-for-attempted-murder)