---
title: "വഴിപാടിൻ്റെ ഭാഗമായി ട്രെയിനിൽ നിന്ന് യാത്രക്കാരൻ പുറത്തേക്കെറിഞ്ഞ തേങ്ങ തലയിൽ വീണ് ഇരുപതുകാരന് ദാരുണാന്ത്യം"
english_title: "A 20-year-old man died tragically after a coconut thrown from a train by a passenger as part of an offering fell on his head."
publisher: "panoornews.in"
canonical_url: "https://panoor.truevisionnews.com/news/317683/a-20-year-old-man-died-tragically-after-a-coconut-thrown-from-a-train-by-a-passenger-as-part-of-an-offering-fell-on-his-head"
published_at: "2025-09-29T13:08:00+05:30"
category: "Obituary"
language: "ml"
image: "https://cf.zdn.im/img/truevisionnews.com/0/image-uploads/68da379962072_68da15cae50a7_mumbai.jpg"
keywords: []
---

# വഴിപാടിൻ്റെ ഭാഗമായി ട്രെയിനിൽ നിന്ന് യാത്രക്കാരൻ പുറത്തേക്കെറിഞ്ഞ തേങ്ങ തലയിൽ വീണ് ഇരുപതുകാരന് ദാരുണാന്ത്യം

> **Lead Summary:** ട്രെയിനിൽ നിന്ന് യാത്രക്കാരൻ പുറത്തേക്കെറിഞ്ഞ തേങ്ങ തലയിൽ വീണ് യുവാവ് മരിച്ചു. മുംബൈക്കടുത്ത് ഭയന്തറിലാണ് സംഭവം. നദിയിലേക്ക് പൂജാ സാധനങ്ങൾ അടങ്ങിയ പാക്കറ്റ് വലിച്ചെറിയാനുള്ള ശ്രമം ആയിരുന്നു. പാക്കറ്റിലെ തേങ്ങ തലയിൽ വീണ് ഇരുപതുകാരന് പരുക്കേൽക്കുകയായിരുന്നു.

## Article Content

ട്രെയിനിൽ നിന്ന് യാത്രക്കാരൻ പുറത്തേക്കെറിഞ്ഞ തേങ്ങ തലയിൽ വീണ് യുവാവ് മരിച്ചു. മുംബൈക്കടുത്ത് ഭയന്തറിലാണ് സംഭവം. നദിയിലേക്ക് പൂജാ സാധനങ്ങൾ അടങ്ങിയ പാക്കറ്റ് വലിച്ചെറിയാനുള്ള ശ്രമം ആയിരുന്നു. പാക്കറ്റിലെ തേങ്ങ തലയിൽ വീണ് ഇരുപതുകാരന് പരുക്കേൽക്കുകയായിരുന്നു.

നൈഗാവിനും ഭയന്ദർ ക്രീക്കിനും ഇടയിലുള്ള പഞ്ചു ദ്വീപിൽ താമസിക്കുന്ന യുവാവ് ശനിയാഴ്ച രാവിലെ 8:30 ഓടെ റെയിൽവേ ക്രീക്ക് പാലത്തിലൂടെ നൈഗാവോൺ സ്റ്റേഷനിലേക്ക് നടക്കുകയായിരുന്നു. പെട്ടെന്ന് വഴിപാടുകളുടെ (നിർമ്മാല്യ) ഭാഗമായ ഒരു തേങ്ങ വേഗത്തിൽ വന്ന ലോക്കൽ ട്രെയിനിൽ നിന്ന് തലയിൽ ഇടിച്ചു. സംഭവത്തിൽ അദ്ദേഹത്തിന് ഗുരുതരമായി പരുക്കേറ്റു.

ആദ്യം യുവാവിനെ വസായിലെ മുനിസിപ്പൽ സർ ഡിഎം പെറ്റിറ്റ് ആശുപത്രിയിലേക്ക് കൊണ്ടുപോയി, പിന്നീട് കൂടുതൽ ചികിത്സയ്ക്കായി മുംബൈയിലെ ഒരു ആശുപത്രിയിലേക്ക് മാറ്റി. തലയ്ക്കേറ്റ ഗുരുതരമായ പരിക്കും രക്തനഷ്ടവും മൂലം ഞായറാഴ്ച രാവിലെ അദ്ദേഹം മരിച്ചതായി ബന്ധുക്കൾ അറിയിച്ചു.

### Related Links & Sources
- [Original Story Source](https://panoor.truevisionnews.com/news/317683/a-20-year-old-man-died-tragically-after-a-coconut-thrown-from-a-train-by-a-passenger-as-part-of-an-offering-fell-on-his-head)