---
title: "കൈയില്‍ പച്ചകുത്തിയതിനാല്‍ സൈന്യത്തില്‍ ചേരാന്‍ അവസരം നിഷേധിച്ചു ; പതിനേഴുകാരൻ ജീവനൊടുക്കി"
english_title: "17-year-old boy commits suicide after being denied the opportunity to join the army due to a tattoo on his hand"
publisher: "panoornews.in"
canonical_url: "https://panoor.truevisionnews.com/news/316797/17-year-old-boy-commits-suicide-after-being-denied-the-opportunity-to-join-the-army-due-to-a-tattoo-on-his-hand"
published_at: "2025-09-24T14:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68d3b4a5e71c8_Untitled-5_copy.jpg"
keywords: []
---

# കൈയില്‍ പച്ചകുത്തിയതിനാല്‍ സൈന്യത്തില്‍ ചേരാന്‍ അവസരം നിഷേധിച്ചു ; പതിനേഴുകാരൻ ജീവനൊടുക്കി

> **Lead Summary:** കൈയില്‍ പച്ചകുത്തിയതിനാല്‍ സൈന്യത്തില്‍ ചേരാന്‍ അവസരം നിഷേധിക്കപ്പെട്ട നിരാശയില്‍ 17-കാരന്‍ ജീവനൊടുക്കി. മധുര തത്തനേരി സ്വദേശി ബാലമുരുകന്റെ മകന്‍ യോഗാ സുധീഷാണ് മരിച്ചത്.

## Article Content

കൈയില്‍ പച്ചകുത്തിയതിനാല്‍ സൈന്യത്തില്‍ ചേരാന്‍ അവസരം നിഷേധിക്കപ്പെട്ട നിരാശയില്‍ 17-കാരന്‍ ജീവനൊടുക്കി. മധുര തത്തനേരി സ്വദേശി ബാലമുരുകന്റെ മകന്‍ യോഗാ സുധീഷാണ് മരിച്ചത്.

മധുരയിലെ സ്വകാര്യകോളേജില്‍ ഒന്നാം വര്‍ഷ ബിരുദവിദ്യാര്‍ഥിയാണ്. കുട്ടിക്കാലം മുതല്‍ത്തന്നെ സൈന്യത്തില്‍ ചേരാന്‍ ആഗ്രഹിച്ചിരുന്ന യോഗാ സുധീഷ് ശാരീരികക്ഷമതാ പരീക്ഷയില്‍ വിജയം നേടാനായി കുറച്ചുകാലമായി പരിശീലനങ്ങള്‍ നടത്തിവരുകയായിരുന്നു.

എന്നാല്‍, അടുത്തിടെ ഈറോഡില്‍ ആര്‍മി റിക്രൂട്ട്‌മെന്റ് ക്യാമ്പില്‍ പങ്കെടുത്തപ്പോള്‍ കൈയില്‍ പച്ചകുത്തിയതുകാരണം അവസരം നിഷേധിക്കപ്പെട്ടു. അതിനുശേഷം മാനസികവിഷമത്തിലായിരുന്ന യോഗാ സുധീഷ് കഴിഞ്ഞദിവസം വീട്ടില്‍ ആരുമില്ലാത്തപ്പോള്‍ തൂങ്ങിമരിക്കുകയായിരുന്നു. സംഭവത്തില്‍ സെല്ലൂര്‍ പോലീസ് കേസെടുത്തു.

### Related Links & Sources
- [Original Story Source](https://panoor.truevisionnews.com/news/316797/17-year-old-boy-commits-suicide-after-being-denied-the-opportunity-to-join-the-army-due-to-a-tattoo-on-his-hand)