---
title: "ഭർത്താവ് മരിച്ച മനോവിഷമം ; ചേലക്കരയിൽ കൂട്ട ആത്മഹത്യക്ക്  ശ്രമിച്ച് യുവതിയും, മക്കളും, ആറ് വയസ്സുകാരി മരിച്ചു"
english_title: "Mentally distressed after husband's death; Woman, children, and six-year-old girl die in mass suicide attempt in Chelakkara"
publisher: "panoornews.in"
canonical_url: "https://panoor.truevisionnews.com/news/316699/mentally-distressed-after-husbands-death-woman-children-and-six-year-old-girl-die-in-mass-suicide-attempt-in-chelakkara"
published_at: "2025-09-24T08:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68d35dd8bef93_68d2d53089859_erter.jpg"
keywords: []
---

# ഭർത്താവ് മരിച്ച മനോവിഷമം ; ചേലക്കരയിൽ കൂട്ട ആത്മഹത്യക്ക്  ശ്രമിച്ച് യുവതിയും, മക്കളും, ആറ് വയസ്സുകാരി മരിച്ചു

> **Lead Summary:** ചേലക്കരയില്‍ കൂട്ട ആത്മഹത്യാശ്രമത്തില്‍ ആറുവയസ്സുകാരിക്ക് ദാരുണാന്ത്യം. ചേലക്കര മേപ്പാടം കോല്‍പ്പുറത്ത് വീട്ടില്‍ പ്രദീപിന്റെ ഭാര്യ ഷൈലജയാണ് മക്കളുമൊന്നിച്ച് ആത്മഹത്യക്ക് ശ്രമിച്ചത്. മകൾ ആറ് വയസ്സുകാരി അണിമയാണ് മരിച്ചത്.

## Article Content

ചേലക്കരയില്‍ കൂട്ട ആത്മഹത്യാശ്രമത്തില്‍ ആറുവയസ്സുകാരിക്ക് ദാരുണാന്ത്യം. ചേലക്കര മേപ്പാടം കോല്‍പ്പുറത്ത് വീട്ടില്‍ പ്രദീപിന്റെ ഭാര്യ ഷൈലജയാണ് മക്കളുമൊന്നിച്ച് ആത്മഹത്യക്ക് ശ്രമിച്ചത്. മകൾ ആറ് വയസ്സുകാരി അണിമയാണ് മരിച്ചത്.

ഷൈലജ (43), മകന്‍ അക്ഷയ് (4) എന്നിവര്‍ ആശുപത്രിയില്‍ ഗുരുതരാവസ്ഥയില്‍ തുടരുകയാണ്. പ്രദീപ് രണ്ടാഴ്ച മുമ്പ് മരിച്ചിരുന്നു. ഇതിന്റെ മനോവിഷമത്തിലായിരുന്നു കുടുംബം എന്ന് ബന്ധുക്കളും നാട്ടുകാരും പറയുന്നു. രാത്രി വൈകിയിട്ടും വീട്ടിനുള്ളില്‍നിന്നും ആരെയും പുറത്തേക്ക് കാണാത്തതിനെ തുടര്‍ന്ന് നാട്ടുകാര്‍ വീട് കുത്തിത്തുറന്ന് പരിശോധിക്കുകയായിരുന്നു. അപ്പോഴാണ് മൂവരേയും അബോധാവസ്ഥയില്‍ മുറിക്കുള്ളില്‍ കണ്ടെത്തിയത്.

### Related Links & Sources
- [Original Story Source](https://panoor.truevisionnews.com/news/316699/mentally-distressed-after-husbands-death-woman-children-and-six-year-old-girl-die-in-mass-suicide-attempt-in-chelakkara)