---
title: "ഭക്തിയുടെ നിറവിൽ ഇന്ന് ശ്രീകൃഷ്ണ ജയന്തി ; പാനൂർ, തലശേരി മേഖലകളിൽ  പാട്ടും, മേളവും, പായസവിതരണവുമൊക്കെയായി മുമ്പെങ്ങുമില്ലാത്ത ആഘോഷം,  വൈകിട്ട് ശോഭായാത്ര"
english_title: "Today is Sri Krishna Jayanti in the fullness of devotion; An unprecedented celebration with songs, melam, and distribution of payasam in Panur and Thalassery areas, followed by a procession in the evening"
publisher: "panoornews.in"
canonical_url: "https://panoor.truevisionnews.com/news/314769/today-is-sri-krishna-jayanti-in-the-fullness-of-devotion-an-unprecedented-celebration-with-songs-melam-and-distribution-of-payasam-in-panur-and-thalassery-areas-followed-by-a-procession-in-the-evening"
published_at: "2025-09-14T13:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68c67b897e623_Untitled-2_copy.jpg"
keywords: []
---

# ഭക്തിയുടെ നിറവിൽ ഇന്ന് ശ്രീകൃഷ്ണ ജയന്തി ; പാനൂർ, തലശേരി മേഖലകളിൽ  പാട്ടും, മേളവും, പായസവിതരണവുമൊക്കെയായി മുമ്പെങ്ങുമില്ലാത്ത ആഘോഷം,  വൈകിട്ട് ശോഭായാത്ര

> **Lead Summary:** പാനൂർ: ഇന്ന് ശ്രീകൃഷ്ണ ജയന്തി.മുമ്പെങ്ങുമില്ലാത്ത ആഘോഷമാണ് പാനൂർ, തലശേരി മേഖലകളിൽ നടക്കുന്നത്. പായസവിതരണവും പാട്ടും മേളവുമൊക്കെയായി ആഹ്ലാദതിമിർപ്പിലാണ്. ഗുരുവായൂർ ക്ഷേത്രത്തിൽ അഷ്ടമിരോഹിണി മഹോത്സവം തുടങ്ങി. പൂജകളും ആഘോഷങ്ങളും ഘോഷയാത്രയും നാടൻ കലകളുമായി വലിയ ആഘോഷമാണ് ക്ഷേത്രത്തിൽ ഒരുക്കിയിരിക്കുന്നത്. വൻ ഭക്തജന തിരക്ക് അനുഭവപ്പെടുന്നതിനാൽ ക്ഷേത്രത്തിലെത്തുന്നവർക്കെല്ലാം ദർശനം ലഭ്യമാക്കാൻ സാധ്യമായ നടപടികൾ സ്വീകരിച്ചിട്ടുണ്ടെന്ന് ദേവസ്വം ചെയർമാൻ അറിയിച്ചു.

## Article Content

പാനൂർ: ഇന്ന് ശ്രീകൃഷ്ണ ജയന്തി.മുമ്പെങ്ങുമില്ലാത്ത ആഘോഷമാണ് പാനൂർ, തലശേരി മേഖലകളിൽ നടക്കുന്നത്. പായസവിതരണവും പാട്ടും മേളവുമൊക്കെയായി ആഹ്ലാദതിമിർപ്പിലാണ്. ഗുരുവായൂർ ക്ഷേത്രത്തിൽ അഷ്ടമിരോഹിണി മഹോത്സവം തുടങ്ങി. പൂജകളും ആഘോഷങ്ങളും ഘോഷയാത്രയും നാടൻ കലകളുമായി വലിയ ആഘോഷമാണ് ക്ഷേത്രത്തിൽ ഒരുക്കിയിരിക്കുന്നത്. വൻ ഭക്തജന തിരക്ക് അനുഭവപ്പെടുന്നതിനാൽ ക്ഷേത്രത്തിലെത്തുന്നവർക്കെല്ലാം ദർശനം ലഭ്യമാക്കാൻ സാധ്യമായ നടപടികൾ സ്വീകരിച്ചിട്ടുണ്ടെന്ന് ദേവസ്വം ചെയർമാൻ അറിയിച്ചു.

പുലർച്ചെ മൂന്ന് മണിക്ക് നിർമ്മാല്യ ദർശനത്തോടെ ക്ഷേത്രത്തിലെ അഷ്ടമി രോഹിണി ചടങ്ങുകൾ തുടങ്ങി. ഇരുനൂറിലേറെ കല്യാണങ്ങളാണ് ഇന്ന് ഗുരുവായൂരിൽ നടക്കുക. ക്രമീകരണങ്ങളുടെ ഭാഗമായി വി.ഐ.പി., സ്പെഷ്യൽ ദർശനങ്ങൾക്ക് നിയന്ത്രണമുണ്ടാകും. പൂജകളും ആഘോഷങ്ങളും ഘോഷയാത്രയും നാടൻ കലകളും എല്ലാം കോർത്തിണക്കി ഇന്ന് ഗുരുവായൂർ ക്ഷേത്ര സന്നിധി അക്ഷരാർത്ഥത്തിൽ അമ്പാടിയാകും.

ആറന്മുള പാർത്ഥസാരഥി ക്ഷേത്രത്തിലും അഷ്ടമിരോഹിണിയുടെ ഭാഗമായി വിപുലമായ ആഘോഷങ്ങൾ ഉണ്ട്. സമൂഹസദ്യ രാവിലെ പത്തരയ്ക്ക് ദേവസ്വം മന്ത്രി വി.എൻ.വാസവൻ ഉദ്ഘാടനം ചെയ്യും. 52 പള്ളിയോടക്കരകളിൽ നിന്നുള്ളവരും ക്ഷേത്രാങ്കണത്തിൽ എത്തും. അമ്പലപ്പുഴ പാൽപ്പായസം ഉൾപ്പെടെ വിഭവങ്ങൾ ചേർത്താണ് സദ്യ ഒരുക്കുന്നത്. 501 പറ അരിയുടെ ചോറാണ് തയ്യാറാക്കുന്നത്.

ക്ഷേത്രത്തിന്റെ വടക്കും പടിഞ്ഞാറും ഭാഗത്ത് പള്ളിയോടങ്ങൾക്കും തെക്ക് ഭാഗത്ത് ഭക്തർക്കുമാണ് സദ്യ വിളമ്പുന്നത്. സദ്യയ്ക്ക് ആവശ്യമായ തൈര് ചേനപ്പാടിയിൽ നിന്ന് പരമ്പരാഗത ശൈലിയിൽ ക്ഷേത്രത്തിൽ ഘോഷയാത്രയായി എത്തിച്ചു.

### Related Links & Sources
- [Original Story Source](https://panoor.truevisionnews.com/news/314769/today-is-sri-krishna-jayanti-in-the-fullness-of-devotion-an-unprecedented-celebration-with-songs-melam-and-distribution-of-payasam-in-panur-and-thalassery-areas-followed-by-a-procession-in-the-evening)