---
title: "റോഡ്  മുറിച്ചുകടക്കവെ ബുള്ളറ്റ് തട്ടി പരിക്കേറ്റ് ചികില്‍സയിലായിരുന്ന പെരിങ്ങത്തൂർ സ്വദേശിയായ കെ.എം.സി.സി  നേതാവ് മരിച്ചു"
english_title: "A KMCC leader from Peringathur who was undergoing treatment after being hit by a bullet while crossing the road has died."
publisher: "panoornews.in"
canonical_url: "https://panoor.truevisionnews.com/news/314359/a-kmcc-leader-from-peringathur-who-was-undergoing-treatment-after-being-hit-by-a-bullet-while-crossing-the-road-has-died"
published_at: "2025-09-12T12:01:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68c3be5cc43f7_68c3b854eb067_hjhg.jpg"
keywords: []
---

# റോഡ്  മുറിച്ചുകടക്കവെ ബുള്ളറ്റ് തട്ടി പരിക്കേറ്റ് ചികില്‍സയിലായിരുന്ന പെരിങ്ങത്തൂർ സ്വദേശിയായ കെ.എം.സി.സി  നേതാവ് മരിച്ചു

> **Lead Summary:** പെരിങ്ങത്തൂര്‍:റോഡ് മുറിച്ചുകടക്കവെ ബുള്ളറ്റ് ബൈക്ക് തട്ടി പരിക്കേറ്റ് ചികില്‍സയിലായിരുന്ന കെ.എം.സി.സി നേതാവ് മരിച്ചു.

## Article Content

പെരിങ്ങത്തൂര്‍:റോഡ് മുറിച്ചുകടക്കവെ ബുള്ളറ്റ് ബൈക്ക് തട്ടി പരിക്കേറ്റ് ചികില്‍സയിലായിരുന്ന കെ.എം.സി.സി നേതാവ് മരിച്ചു.

പെരിങ്ങത്തൂര്‍ പുല്ലൂക്കര സൈഫ് നഗര്‍ ചന്ദനപുറത്ത് സി.പി സലീം (52) ആണ് ഇന്ന് പുലര്‍ച്ചെ മരിച്ചത്. ചൊവ്വാഴ്ച്ച രാത്രി കെ.എസ്.ടി.പി റോഡിലായിരുന്നു അപകടം.

കുടുംബസമേതം കുമ്പളയില്‍ ഒരു ചടങ്ങില്‍ പങ്കെടുത്ത് മടങ്ങവെ ഭക്ഷണം കഴിക്കാനായി വാഹനം നിര്‍ത്തി റോഡ് മുറിച്ചുകടക്കെ അമിതവേഗതയിലെത്തിയ ബൈക്ക് സലീമിനെ ഇടിച്ച് തെറിപ്പിക്കുകയായിരുന്നു. വിളയാങ്കോട് സ്വദേശി ഓടിച്ച ബൈക്ക് നിര്‍ത്താതെ പോയെങ്കിലും പോലീസ് പിറ്റേന്നുതന്നെ ബൈക്ക് പിടികൂടി.

ഭാര്യ: ജസീല. മക്കള്‍ : ജസീര്‍. ജഫ്ന, സന ഫാത്തിമ. പരേതനായ മുഹമ്മദിന്റെയും ഇല്ലത്ത് കുഞ്ഞാമിയുടെയും മകനാണ്.

സഹോദരങ്ങള്‍: നിസാര്‍ ( കുവൈത്ത് കെ.എം സി സി കൂത്തുപറമ്പ് മണ്ഡലം പ്രസിഡന്റ് ) ജാഫര്‍ ( സൗദി അറേബ്യ), മൈമൂന പെരിങ്ങത്തൂര്‍.

### Related Links & Sources
- [Original Story Source](https://panoor.truevisionnews.com/news/314359/a-kmcc-leader-from-peringathur-who-was-undergoing-treatment-after-being-hit-by-a-bullet-while-crossing-the-road-has-died)