---
title: "കണ്ണൂരിൽ എട്ടാം ക്ലാസ് വിദ്യാർഥി ജീനൊടുക്കിയത് പരീക്ഷയിൽ മാർക്ക് കുറഞ്ഞതിൽ വഴക്ക് പേടിച്ച് ; നോവായി അജുല്‍രാജ്"
english_title: "Kannur 8th grade student commits suicide due to fear of tiff over low marks in exam; Ajulraj is shocked"
publisher: "panoornews.in"
canonical_url: "https://panoor.truevisionnews.com/news/306415/kannur-8th-grade-student-commits-suicide-due-to-fear-of-tiff-over-low-marks-in-exam-ajulraj-is-shocked"
published_at: "2025-08-04T14:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6890758968b9d_68906751db5b6_yyy.jpg"
keywords: []
---

# കണ്ണൂരിൽ എട്ടാം ക്ലാസ് വിദ്യാർഥി ജീനൊടുക്കിയത് പരീക്ഷയിൽ മാർക്ക് കുറഞ്ഞതിൽ വഴക്ക് പേടിച്ച് ; നോവായി അജുല്‍രാജ്

> **Lead Summary:** അജുല്‍രാജിന്റെ അത്മഹത്യ പരീക്ഷക്ക് മാര്‍ക്ക് കുറഞ്ഞതിലെ മനോവിഷമം കാരണം. ഇന്നലെ വൈകുന്നേരമാണ് പിലാത്തറ മേരിമാത സ്‌ക്കൂളിലെ എട്ടാംക്ലാസ് വിദ്യാര്‍ത്ഥി അജുല്‍രാജ് വീട്ടിലെ കിടപ്പുമുറിയുടെ മുറിയുടെ ജനല്‍കമ്പിയില്‍ തൂങ്ങിമരിച്ചത്.

## Article Content

അജുല്‍രാജിന്റെ അത്മഹത്യ പരീക്ഷക്ക് മാര്‍ക്ക് കുറഞ്ഞതിലെ മനോവിഷമം കാരണം. ഇന്നലെ വൈകുന്നേരമാണ് പിലാത്തറ മേരിമാത സ്‌ക്കൂളിലെ എട്ടാംക്ലാസ് വിദ്യാര്‍ത്ഥി അജുല്‍രാജ് വീട്ടിലെ കിടപ്പുമുറിയുടെ മുറിയുടെ ജനല്‍കമ്പിയില്‍ തൂങ്ങിമരിച്ചത്.

മാര്‍ക്ക് കുറഞ്ഞതിന് സ്‌ക്കൂളില്‍ നിന്ന് അധ്യാപിക വഴക്കുപറയുമോ എന്ന പേടി കുട്ടിക്ക് ഉണ്ടായിരുന്നുവെന്ന് ബന്ധുക്കള്‍ പറഞ്ഞു. പിലാത്തറ പെരിയാട്ട് വാടകവീട്ടില്‍ താമസിക്കുന്ന പുതിയതെരു സ്വദേശി വാരിയമ്പത്ത് വീട്ടില്‍ വിജിന-രാജേഷ് ദമ്പതികളുടെ മകനാണ് അജുല്‍രാജ്(13).

ഉച്ചഭക്ഷണം കഴിഞ്ഞ് അമ്മ വിജിനയും ഇളയമകളും ഉറങ്ങാന്‍ കിടന്നിരുന്നു. വൈകുന്നേരം 5.45 ന് ഇവര്‍ ഉറങ്ങിയെഴുന്നേറ്റപ്പോഴാണ് അജുല്‍രാജിനെ മരിച്ച നിലയില്‍ കണ്ടത്. ഉടന്‍തന്നെ കെട്ടറുത്ത് പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ എത്തിച്ചുവെങ്കിലും മരണപ്പെട്ടു.

പരിയാരത്തെ കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം പോസ്റ്റ്‌മോര്‍ട്ടത്തിന് ശേഷം കണ്ണൂര്‍ പയ്യാമ്പലത്ത് സംസ്‌ക്കരിക്കും.

### Related Links & Sources
- [Original Story Source](https://panoor.truevisionnews.com/news/306415/kannur-8th-grade-student-commits-suicide-due-to-fear-of-tiff-over-low-marks-in-exam-ajulraj-is-shocked)