---
title: "കൊല്ലത്ത് സ്കൂളിൽ വിദ്യാര്‍ത്ഥിക്ക്  ഷോക്കേറ്റ്  ദാരുണാന്ത്യം ;  മരിച്ചത് എട്ടാം ക്ലാസ് വിദ്യാർത്ഥി മിഥുൻ "
english_title: "Student dies tragically after being shocked at school in Kollam; Class 8 student Mithun dies"
publisher: "panoornews.in"
canonical_url: "https://panoor.truevisionnews.com/news/303030/student-dies-tragically-after-being-shocked-at-school-in-kollam-class-8-student-mithun-dies"
published_at: "2025-07-17T11:58:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/687898738ab4e_Untitled-3_copy.jpg"
keywords: []
---

# കൊല്ലത്ത് സ്കൂളിൽ വിദ്യാര്‍ത്ഥിക്ക്  ഷോക്കേറ്റ്  ദാരുണാന്ത്യം ;  മരിച്ചത് എട്ടാം ക്ലാസ് വിദ്യാർത്ഥി മിഥുൻ 

> **Lead Summary:** വിദ്യാർത്ഥി സ്കൂളിൽ ഷോക്കേറ്റ് മരിച്ചു. തേവലക്കര ബോയ്സ് സ്കൂളിലെ എട്ടാം ക്ലാസ് വിദ്യാ‍ര്‍ത്ഥിയായ മിഥുൻ ആണ് മരിച്ചത്.

## Article Content

വിദ്യാർത്ഥി സ്കൂളിൽ ഷോക്കേറ്റ് മരിച്ചു. തേവലക്കര ബോയ്സ് സ്കൂളിലെ എട്ടാം ക്ലാസ് വിദ്യാ‍ര്‍ത്ഥിയായ മിഥുൻ ആണ് മരിച്ചത്.

സ്കൂൾ കെട്ടിടത്തിന് മുകളിൽ വീണ ചെരിപ്പെടുക്കാൻ ശ്രമിക്കുന്നതിനിടെയാണ് അപകടമുണ്ടായത്. ഇന്ന് രാവിലെയാണ് നാടിനെ നടുക്കിയ സംഭവമുണ്ടായത്. കെട്ടിടത്തിന്റെ മുകളിൽ ഉയർന്ന വോൾട്ടേജ് ലൈനുകൾ കടന്നുപോകുന്ന ഭാഗത്താണ് മിഥുന്റെ ചെരിപ്പ് വീണതെന്നാണ് പ്രാഥമിക വിവരം.

ചെരിപ്പെടുക്കാൻ ശ്രമിക്കുന്നതിനിടെ മിഥുൻ വൈദ്യുതി കമ്പിയിൽ സ്പർശിക്കുകയും ഷോക്കേൽക്കുകയുമായിരുന്നു. ഉടൻതന്നെ സ്കൂൾ അധികൃതരും സഹപാഠികളും ചേർന്ന് മിഥുനെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 

### Related Links & Sources
- [Original Story Source](https://panoor.truevisionnews.com/news/303030/student-dies-tragically-after-being-shocked-at-school-in-kollam-class-8-student-mithun-dies)