---
title: "പ്ലസ് ടു പരീക്ഷയിലെ  ഉന്നത വിജയത്തിന്  പിന്നാലെ വിദ്യാർത്ഥിനി കാറിടിച്ച് മരിച്ചു ; കണ്ണീർ  നോവായി അബിത, അധ്യാപികയായ അമ്മക്കും ഗുരുതര പരിക്ക്"
english_title: "Student dies after being hit by car after excelling in Plus Two exams; Abita in tears, teacher mother also seriously injured"
publisher: "panoornews.in"
canonical_url: "https://panoor.truevisionnews.com/news/291693/student-dies-after-being-hit-by-car-after-excelling-in-plus-two-exams-abita-in-tears-teacher-mother-also-seriously-injured"
published_at: "2025-05-23T10:30:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/683001328a6bc_download_(5).jpg"
keywords: []
---

# പ്ലസ് ടു പരീക്ഷയിലെ  ഉന്നത വിജയത്തിന്  പിന്നാലെ വിദ്യാർത്ഥിനി കാറിടിച്ച് മരിച്ചു ; കണ്ണീർ  നോവായി അബിത, അധ്യാപികയായ അമ്മക്കും ഗുരുതര പരിക്ക്

> **Lead Summary:** പ്ലസ് ടു ഫലം വന്ന ദിവസമുള്ള വിദ്യാര്‍ത്ഥിനിയുടെ അപകട മരണത്തില്‍ തേങ്ങി നാട്. കോട്ടയം ചന്തക്കവലയിൽ റോഡ് മുറിച്ച് കടക്കുന്നതിനിടെയാണ് കാറിടിച്ച് പെൺകുട്ടി മരിച്ചത്. തോട്ടയ്ക്കാട് ഇരവുചിറ സ്വദേശി അബിതയാണ് മരിച്ചത്. അബിതയ്ക്കൊപ്പമുണ്ടായിരുന്ന അമ്മ നിഷയെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.

## Article Content

പ്ലസ് ടു ഫലം വന്ന ദിവസമുള്ള വിദ്യാര്‍ത്ഥിനിയുടെ അപകട മരണത്തില്‍ തേങ്ങി നാട്. കോട്ടയം ചന്തക്കവലയിൽ റോഡ് മുറിച്ച് കടക്കുന്നതിനിടെയാണ് കാറിടിച്ച് പെൺകുട്ടി മരിച്ചത്. തോട്ടയ്ക്കാട് ഇരവുചിറ സ്വദേശി അബിതയാണ് മരിച്ചത്. അബിതയ്ക്കൊപ്പമുണ്ടായിരുന്ന അമ്മ നിഷയെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.

തൃകോതമംഗലം വി എച്ച് എസ് സിയിലെ പ്ലസ് ടു വിദ്യാർത്ഥിയായിരുന്നു അബിത. ഹയർസെക്കൻഡറി പരീക്ഷ ഫലം വന്ന ദിവസമാണ് മരണം കവർന്നെടുത്തത്. വ്യാഴാഴ്ച വൈകിട്ട് ഏഴോടെ ചന്തക്കവല ഭാഗത്തായിരുന്നു അപകടം. റോഡ് മുറിച്ചുകടന്ന് ബസ് സ്റ്റോപ്പിലേയ്ക്ക് വരികയായിരുന്നു ഇരുവരും. കലക്ടറേറ്റ് ഭാഗത്തുനിന്ന് എത്തിയ കാർ ഇരുവരെയും ഇടിച്ചു വീഴ്ത്തുകയായിരുന്നു.

നാട്ടുകാർ അമ്മയെയും മകളെയും ജനറൽ ആശുപത്രിയിൽ എത്തിച്ചെങ്കിലും അഭിദയുടെ ജീവൻ രക്ഷിക്കാനായില്ല. ഗുരുതരമായി പരുക്കേറ്റ നിഷയെ വിദഗ്ധ ചികിത്സയ്ക്കായി മെഡിക്കൽ കോളജ് ആശുപത്രിയിലേക്ക് മാറ്റി. സഹോദരി: അഭിജ.

### Related Links & Sources
- [Original Story Source](https://panoor.truevisionnews.com/news/291693/student-dies-after-being-hit-by-car-after-excelling-in-plus-two-exams-abita-in-tears-teacher-mother-also-seriously-injured)