---
title: "ബാംഗ്ലൂർ - കണ്ണൂർ  സ്വകാര്യ ബസ്സിൽ മോഷണം ;  പയ്യന്നൂരിലേക്കുള്ള യാത്രക്കാരിയുടെ ഹാൻഡ് ബാഗ് നഷ്ടമായി"
english_title: "Theft in Bangalore-Kannur private bus; Handbag of passenger going to Payyannur lost"
publisher: "panoornews.in"
canonical_url: "https://panoor.truevisionnews.com/news/279189/theft-in-bangalore-kannur-private-bus-handbag-of-passenger-going-to-payyannur-lost"
published_at: "2025-03-26T19:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67e40b8c95862_Untitled-5_copy.jpg"
keywords: []
---

# ബാംഗ്ലൂർ - കണ്ണൂർ  സ്വകാര്യ ബസ്സിൽ മോഷണം ;  പയ്യന്നൂരിലേക്കുള്ള യാത്രക്കാരിയുടെ ഹാൻഡ് ബാഗ് നഷ്ടമായി

> **Lead Summary:** ബെംഗളൂരു കലാശിപ്പാളയത്ത് സ്വകാര്യ ബസിൽ മോഷണം. ഇന്നലെ രാത്രി 9 മണിയോടെയാണ് ബസില്‍ മോഷണം നടന്നത്.

## Article Content

ബെംഗളൂരു കലാശിപ്പാളയത്ത് സ്വകാര്യ ബസിൽ മോഷണം. ഇന്നലെ രാത്രി 9 മണിയോടെയാണ് ബസില്‍ മോഷണം നടന്നത്.

തൃക്കരിപ്പൂരേക്ക് പോകുന്ന സ്വകാര്യ ട്രാവൽസ് ബസിലാണ് സംഭവം ഉണ്ടായത്. മലയാളിയായ ഫാത്തിമ എന്ന വിദ്യാര്‍ത്ഥിനിയുടെ ഹാന്‍ഡ് ബാഗ് ആണ് നഷ്ടമായത്. ഫാത്തിമ ശുചിമുറിയില്‍ പോയി മടങ്ങി വന്നപ്പോഴേക്ക് ബാഗ് നഷ്ട്ടപ്പെട്ടിരുന്നു. അജ്ഞാതന്‍ ബസിനകത്ത് കയറി ബാഗ് മോഷ്ടിക്കുകയായിരുന്നു.

പണവും എടിഎം കാര്‍ഡും ഐഡി കാര്‍ഡുകളുമടക്കം സകലതും നഷ്ടപ്പെട്ടെന്ന് ഫാത്തിമ അറിയിച്ചു. ബെംഗളൂരുവില്‍ നിന്ന് കണ്ണൂർ പയ്യന്നൂരിലേക്ക് യാത്ര ചെയ്യുകയായിരുന്നു ഫാത്തിമ. സംഭവത്തെ തുടര്‍ന്ന് കലാശിപ്പാളയ പൊലീസ് സ്റ്റേഷനിൽ പരാതി നൽകിയിട്ടുണ്ട്.

### Related Links & Sources
- [Original Story Source](https://panoor.truevisionnews.com/news/279189/theft-in-bangalore-kannur-private-bus-handbag-of-passenger-going-to-payyannur-lost)