---
title: "മദ്യപിച്ചെത്തി സ്ഥിരമായി  ഭാര്യയെ  മർദ്ദിച്ചെന്ന് ;  ഭർത്താവ് അറസ്റ്റിൽ"
english_title: "Husband arrested for repeatedly beating his wife after coming home drunk"
publisher: "panoornews.in"
canonical_url: "https://panoor.truevisionnews.com/news/262308/husband-arrested-for-repeatedly-beating-his-wife-after-coming-home-drunk"
published_at: "2025-01-09T22:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/677ffcd1e7b48_677fee4360677_arrest_(1).jpg"
keywords: []
---

# മദ്യപിച്ചെത്തി സ്ഥിരമായി  ഭാര്യയെ  മർദ്ദിച്ചെന്ന് ;  ഭർത്താവ് അറസ്റ്റിൽ

> **Lead Summary:** ഭാര്യയെ ക്രൂരമായി മർദ്ദിച്ച കേസിൽ ഭർത്താവിനെ മാന്നാർ പൊലീസ് അറസ്റ്റ് ചെയ്തു.

## Article Content

ഭാര്യയെ ക്രൂരമായി മർദ്ദിച്ച കേസിൽ ഭർത്താവിനെ മാന്നാർ പൊലീസ് അറസ്റ്റ് ചെയ്തു.

മാന്നാർ കുരട്ടിക്കാട് പല്ലവനതറയിൽ ശ്യാം മോഹൻ (31) ആണ് അറസ്റ്റിലായത്. നിരന്തരം മദ്യപിച്ച് വീട്ടിലെത്തുന്ന പ്രതി ഭാര്യയെ സ്ഥിരമായി മർദ്ദിച്ചെന്നാണ് കേസ്.

കഴിഞ്ഞ ദിവസം മദ്യപിച്ച് വീട്ടിലെത്തിയ പ്രതിയുടെ ക്രൂരമായി മർദ്ദനത്തിൽ യുവതിയുടെ മൂക്കിന്റെ പാലത്തിന് പൊട്ടൽ സംഭവിക്കുകയും തലയ്ക്ക് പരിക്കേൽക്കുകയും ചെയ്തു.

യുവതി മാവേലിക്കര ജില്ലാ ആശുപത്രിയിൽ ചികിത്സ തേടി. തുടർന്ന് മാന്നാർ പൊലീസിൽ പരാതി നൽകിയതിനെ തുടർന്ന് നടത്തിയ അന്വേഷണത്തിന് പിന്നാലെയാണ് അറസ്റ്റ്.

മാന്നാർ പൊലീസ് ഇൻസ്പെക്ടർ എ അനീഷ്. എസ് ഐ അഭിരാം സി എസ്, സിവിൽ പൊലീസ് ഓഫീസർമാരായ സാജിദ്, സുരേഷ് എന്നിവരടങ്ങിയ പൊലീസ് സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

### Related Links & Sources
- [Original Story Source](https://panoor.truevisionnews.com/news/262308/husband-arrested-for-repeatedly-beating-his-wife-after-coming-home-drunk)