---
title: "പിണറായിയിൽ വിൽപ്പനയ്ക്കായി ഓട്ടോയിൽ  കടത്തിക്കൊണ്ട് വന്ന 54 ലിറ്റർ മാഹി മദ്യം പിടികൂടി ;  പള്ളൂർ സ്വദേശി എക്സൈസിൻ്റെ  പിടിയിൽ"
english_title: "54 liters of Mahe liquor smuggled in an auto for sale in Pinarayi seized; Pallur native arrested by excise"
publisher: "panoornews.in"
canonical_url: "https://panoor.truevisionnews.com/news/255888/54-liters-of-mahe-liquor-smuggled-in-an-auto-for-sale-in-pinarayi-seized-pallur-native-arrested-by-excise"
published_at: "2024-12-13T10:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/675bc643122e7_675bb723c6cc1_dfd.jpg"
keywords: []
---

# പിണറായിയിൽ വിൽപ്പനയ്ക്കായി ഓട്ടോയിൽ  കടത്തിക്കൊണ്ട് വന്ന 54 ലിറ്റർ മാഹി മദ്യം പിടികൂടി ;  പള്ളൂർ സ്വദേശി എക്സൈസിൻ്റെ  പിടിയിൽ

> **Lead Summary:** **പിണറായി: **പിണറായിയിലെ പടന്നക്കരയിൽ വിൽപ്പനയ്ക്കായി കടത്തിക്കൊണ്ട് വന്ന 54 ലിറ്റർ മാഹി മദ്യവുമായി ഒരാൾ പിടിയിൽ.

## Article Content

**പിണറായി: **പിണറായിയിലെ പടന്നക്കരയിൽ വിൽപ്പനയ്ക്കായി കടത്തിക്കൊണ്ട് വന്ന 54 ലിറ്റർ മാഹി മദ്യവുമായി ഒരാൾ പിടിയിൽ.

പള്ളൂർ സ്വദേശി രജീഷ് കെയാണ് അറസ്റ്റിലായത്. ക്രിസ്മസ് - പുതുവത്സര സ്പെഷ്യൽ ഡ്രൈവിന്‍റെ ഭാഗമായി നടന്ന പരിശോധനയിലാണ് മദ്യം പിടികൂടിയത്.

പരിശോധന കണ്ട് മദ്യം കടത്തിക്കൊണ്ട് വന്ന ഓട്ടോറിക്ഷയുമായി കടന്നുകളയാൻ ശ്രമിച്ച പ്രതിയെ സാഹസികമായാണ് പിടികൂടിയതെന്ന് എക്സൈസ് അറിയിച്ചു.

കൂത്തുപറമ്പ് എക്സൈസ് സർക്കിൾ ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) പി പ്രമോദന്‍റെ നേതൃത്വത്തിലാണ് യുവാവിനെ അറസ്റ്റ് ചെയ്തത്.

പ്രിവന്‍റീവ് ഓഫീസർ (ഗ്രേഡ്) മാരായ പ്രജീഷ് കോട്ടായി, സതീഷ് വെള്ളുവക്കണ്ടി, ബിജു കെ, സിവിൽ എക്സൈസ് ഓഫീസർ ജിജീഷ് ചെറുവായി, സിവിൽ എക്സൈസ് ഓഫീസർ ഡ്രൈവർ സജീവ് കെ കെ എന്നിവരും പരിശോധനയിൽ പങ്കെടുത്തു.

### Related Links & Sources
- [Original Story Source](https://panoor.truevisionnews.com/news/255888/54-liters-of-mahe-liquor-smuggled-in-an-auto-for-sale-in-pinarayi-seized-pallur-native-arrested-by-excise)