---
title: "കൊലപാതകം തന്നെ; പൂജക്കായി പൂ പറിക്കാൻ പോയ സ്ത്രീ മരിച്ച നിലയിൽ, പ്രതിയുടെ ദൃശ്യങ്ങൾ പുറത്ത്"
english_title: "Murder; Woman who went to pick flowers for puja found dead, footage of suspect released"
publisher: "panoornews.in"
canonical_url: "https://panoor.truevisionnews.com/news/255173/murder-woman-who-went-to-pick-flowers-for-puja-found-dead-footage-of-suspect-released"
published_at: "2024-12-10T12:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6757e201d9190_6757bae8586da_tvm.jpg"
keywords: []
---

# കൊലപാതകം തന്നെ; പൂജക്കായി പൂ പറിക്കാൻ പോയ സ്ത്രീ മരിച്ച നിലയിൽ, പ്രതിയുടെ ദൃശ്യങ്ങൾ പുറത്ത്

> **Lead Summary:** തിരുവനന്തപുരം പോത്തന്‍കോട് ഭിന്നശേഷിക്കാരിയായ സ്ത്രീയെ മരിച്ച നിലയില്‍ കണ്ടെത്തിയ സംഭവം കൊലപാതകം ആണെന്ന് പൊലീസ് .

## Article Content

തിരുവനന്തപുരം പോത്തന്‍കോട് ഭിന്നശേഷിക്കാരിയായ സ്ത്രീയെ മരിച്ച നിലയില്‍ കണ്ടെത്തിയ സംഭവം കൊലപാതകം ആണെന്ന് പൊലീസ് .

മംഗലപുരം കൊയിത്തൂര്‍കോണം യു.പി സ്‌കൂളിന് എതിര്‍വശത്ത് മണികഠന്‍ഭവനില്‍ തങ്കമണിയെയാണ് (69) മരിച്ച നിലയില്‍ കണ്ടെത്തിയത്. സംഭവത്തിൽ പ്രതി എന്ന് സംശയിക്കുന്ന ഒരാളുടെ സി സി ടി വി ദൃശ്യങ്ങൾ പുറത്ത് വന്നിട്ടുണ്ട്.

സമീപത്തുള്ള റേഷൻ കടയിലെ ക്യാമറയിൽ പതിഞ്ഞ ദൃശ്യങ്ങളാണ് പൊലീസ് പുറത്ത് വിട്ടിട്ടുള്ളത്.

തങ്കമണി തനിച്ചാണ് വീട്ടില്‍ താമസിച്ചിരുന്നത്. പൂജക്കായി വീട്ടിനടുത്തുള്ള പറമ്പില്‍ പൂ പറിക്കാനായി പോയ ഇവര്‍ മടങ്ങിയെത്താത്തതിനെ തുടര്‍ന്ന് ബന്ധുക്കൾ നടത്തിയ തിരച്ചിലിലാണ് മൃതദേഹം കണ്ടെത്തിയത്.

സഹോദരന്റെ വസ്തുവിനോട് ചേര്‍ന്ന പുരയിടത്തില്‍ മരിച്ച നിലയില്‍ കണ്ടെത്തുകയായിരുന്നു. ഇവര്‍ ധരിച്ചിരുന്ന വസ്ത്രം കീറിയ നിലയിലായിരുന്നു.

ധരിച്ചിരുന്ന ലുങ്കികൊണ്ടാണ് മൃതദേഹം മൂടിയിരുന്നത്. കാതിലുണ്ടായിരുന്ന കമ്മലും കാണാതായിട്ടുണ്ട്. പോലീസും വിരലടയാള വിദഗ്ദരും ഡോഗ് സ്‌ക്വാഡും സ്ഥലത്തെത്തി അന്വേഷണം ആരംഭിച്ചു.

### Related Links & Sources
- [Original Story Source](https://panoor.truevisionnews.com/news/255173/murder-woman-who-went-to-pick-flowers-for-puja-found-dead-footage-of-suspect-released)