പാനൂർ:(www.panoornews.in) സിപിഎം ഇരുപത്തിനാലാം പാർടി കോൺഗ്രസിൻ്റെ ഭാഗമായുള്ള ജില്ലയിലെ അവസാന ഏരിയ സമ്മേളനമായ പാനൂർ ഏരിയ സമ്മേളനത്തിന് ചെങ്കൊടി ഉയർന്നു. ചമ്പാട് അരയാക്കൂൽ പൊതുസമ്മേളന നഗരിയായ യെച്ചൂരി - കോടിയേരി നഗറിൽ സംഘാടക സമിതി ചെയർമാൻ കെകെ പവിത്രൻ പതാക ഉയർത്തി.
ഏരിയ സെക്രട്ടറി കെ.ഇ കുഞ്ഞബ്ദുള്ള അധ്യക്ഷനായി. ജില്ലാ സെക്രട്ടറിയേറ്റംഗം പി ഹരീന്ദ്രൻ, ഇ വിജയൻ, എ രാഘവൻ, കാന ബാലൻ, എം സുധാകരൻ ഉൾപ്പെടെയുള്ള നേതാക്കളും, ഏരിയയിലെ വിവിധ ഭാഗങ്ങളിൽ നിന്നുമെത്തിയ പാർടി പ്രവർത്തകരും പങ്കെടുത്തു.
പതാക ഐവി ദാസിൻ്റെ സ്മൃതികുടീരത്തിൽ നിന്നും ജാഥ ലീഡർ എ രാഘവന് സിപിഎം ജില്ലാ സെക്രട്ടറിയേറ്റംഗം എം സുരേന്ദ്രനും, കൊടിമരം പിപി കുഞ്ഞിക്കണ്ണൻ സ്മൃതി മണ്ഡപത്തിൽ നിന്നും ജാഥ ലീഡർ ഇ വിജയന് ജില്ലാ സെക്രട്ടറി യേറ്റംഗം പി ഹരീന്ദ്രനും കൈമാറി. 2 ജാഥകളും
അത് ലറ്റുകളുടെ അകമ്പടിയോടെ കിഴക്കെ ചമ്പാട് രാജു മാസ്റ്റർ സ്മൃതി മണ്ഡപത്തിന് സമീപം സംഗമിച്ചു. ചുവപ്പ് വളണ്ടിയർമാരുടെയും, ബാൻ്റ് മേളങ്ങളുടെ അകമ്പടിയോടെ ബഹുജന പ്രകടനമായി സമ്മേളന നഗരിയിൽ എത്തിച്ചേർന്നു.
The red flag rises in the sky; CPM Panur area conference begins with a proud start
.jpg)
