---
title: "രണ്ടാം വിവാഹത്തിന്‌ കുട്ടി തടസ്സമായി ; അഞ്ച് വയസ്സുകാരിയെ കഴുത്ത് ഞെരിച്ച്  കൊലപ്പെടുത്തി അമ്മ"
english_title: "Child hindered second marriage; Mother strangles five-year-old girl to death"
publisher: "panoornews.in"
canonical_url: "https://panoor.truevisionnews.com/news/251230/child-hindered-second-marriage-mother-strangles-five-year-old-girl-to-death"
published_at: "2024-11-23T12:38:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6741810f00dae_mooooooooooo.jpg"
keywords: []
---

# രണ്ടാം വിവാഹത്തിന്‌ കുട്ടി തടസ്സമായി ; അഞ്ച് വയസ്സുകാരിയെ കഴുത്ത് ഞെരിച്ച്  കൊലപ്പെടുത്തി അമ്മ

> **Lead Summary:** ****രണ്ടാം വിവാഹത്തിന്‌ കുട്ടി തടസ്സമാണെന്ന് കരുതി അഞ്ചു വയസ്സുള്ള മകളെ അമ്മ കൊലപ്പെടുത്തി.

## Article Content

****രണ്ടാം വിവാഹത്തിന്‌ കുട്ടി തടസ്സമാണെന്ന് കരുതി അഞ്ചു വയസ്സുള്ള മകളെ അമ്മ കൊലപ്പെടുത്തി.

ഡല്‍ഹിയിലെ അശോക് വിഹാറിലാണ് ദാരുണ സംഭവം. സ്ത്രീയുടെ ആദ്യ ഭര്‍ത്താവ് അവരെ ഉപേക്ഷിച്ചതാണ്. പിന്നീട് യുവതി ഇന്‍സ്റ്റഗ്രാം വഴി രാഹുല്‍ എന്ന വ്യക്തിയുമായി അടുപ്പത്തിലാവുകയായിരുന്നു.

എന്നാല്‍ രാഹുലും കുടുംബവും കുട്ടിയെ സ്വീകരിക്കാൻ വിസമ്മതിക്കുകയായിരുന്നു. ഇതിന്റെ നിരാശയിലാണ് അമ്മ കുട്ടിയെ കഴുത്ത് ഞെരിച്ച് കൊന്നതെന്ന് പൊലീസിന് മൊഴി നല്‍കി.

അസുഖമാണെന്നു പറഞ്ഞ് അമ്മ തന്നെ ദീപ്ചന്ദ് ആശുപത്രിയില്‍ കുട്ടിയെ എത്തിക്കുകയായിരുന്നു. എന്നാൽ ആശുപത്രിയിൽ എത്തിച്ചപ്പോഴേക്കും കുട്ടി മരിച്ചിരുന്നു.

കഴുത്തില്‍ പാടുകള്‍ കണ്ടെത്തിയതിനെ തുടർന്ന് ആശുപത്രി അധികൃതർ പൊലീസിനെ വിവരം പൊലീസിനെ അറിയിക്കുകയായിരുന്നു. തുടര്‍ന്ന് പൊലീസ് കുട്ടിയുമായി ബന്ധപ്പെട്ട എല്ലാവരേയും സ്റ്റേഷനിലേക്ക് വിളിച്ചുവരുത്തി ചോദ്യം ചെയ്തു. മണിക്കൂറുകള്‍ നീണ്ട ചോദ്യം ചെയ്യലിന് ശേഷമാണ് അമ്മ കുറ്റം സമ്മതിച്ചത്.

### Related Links & Sources
- [Original Story Source](https://panoor.truevisionnews.com/news/251230/child-hindered-second-marriage-mother-strangles-five-year-old-girl-to-death)