---
title: "റിമാൻഡിലായിട്ട് ഒരാഴ്ച ; പി.പി ദിവ്യയുടെ ജാമ്യാപേക്ഷയിൽ ഇന്ന് വാദം"
english_title: "A week after being remanded; Hearing on PP Divya's bail plea today"
publisher: "panoornews.in"
canonical_url: "https://panoor.truevisionnews.com/news/247324/a-week-after-being-remanded-hearing-on-pp-divyas-bail-plea-today"
published_at: "2024-11-05T11:16:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6729b2298eb6a_Untitled-1_copy.jpg"
keywords: []
---

# റിമാൻഡിലായിട്ട് ഒരാഴ്ച ; പി.പി ദിവ്യയുടെ ജാമ്യാപേക്ഷയിൽ ഇന്ന് വാദം

> **Lead Summary:** ****കണ്ണൂർ അഡീഷണൽ ജില്ലാ മജിസ്ട്രേട്ട് (എ.ഡി.എം.) കെ. നവീൻ ബാബുവിൻ്റെ മരണവുമായി ബന്ധപ്പെട്ട് ആത്മഹത്യാ പ്രേരണാക്കുറ്റത്തിന് കണ്ണൂർ ജില്ലാ പഞ്ചായത്ത് മുൻ പ്രസിഡന്റ് പി.പി. ദിവ്യ റിമാൻഡിലായിട്ട് ഒരാഴ്ച. ഒക്ടോബർ 29-നാണ് ദിവ്യ റിമാൻഡിലായത്.

## Article Content

****കണ്ണൂർ അഡീഷണൽ ജില്ലാ മജിസ്ട്രേട്ട് (എ.ഡി.എം.) കെ. നവീൻ ബാബുവിൻ്റെ മരണവുമായി ബന്ധപ്പെട്ട് ആത്മഹത്യാ പ്രേരണാക്കുറ്റത്തിന് കണ്ണൂർ ജില്ലാ പഞ്ചായത്ത് മുൻ പ്രസിഡന്റ് പി.പി. ദിവ്യ റിമാൻഡിലായിട്ട് ഒരാഴ്ച. ഒക്ടോബർ 29-നാണ് ദിവ്യ റിമാൻഡിലായത്.

ദിവ്യയുടെ ജാമ്യാപേക്ഷയിൽ ചൊവ്വാഴ്ച സെഷൻസ് ജഡ്ഡി കെ.ടി. നിസാർ അഹമ്മദ് മുൻപാകെ വാദം കേൾക്കും. ജാമ്യാ പേക്ഷയിൽ അന്വേഷണ റിപ്പോർട്ടിൽ പ്രോസിക്യൂഷനുവേണ്ടി പബ്ലിക് പ്രോസിക്യൂട്ടർ കെ. അജിത്ത്കുമാർ വാദം നടത്തും. അന്വേഷണ റിപ്പോർട്ട് പ്രോസിക്യൂട്ടർ കോടതിയിൽ നൽകും.

ദിവ്യയ്ക്കുവേണ്ടി ജാമ്യാപേക്ഷ നൽകിയ അഡ്വ. കെ. വിശ്വനും നവീൻ ബാബുവിന്റെ ഭാര്യ മഞ്ജുഷയ്ക്കുവേണ്ടി അഡ്വ. ജോൺ എസ്.റാൽഫും ജാമ്യാപേക്ഷയിൽ വാദം നടത്തും. ഒക്ടോബർ 29-നാണ് ദിവ്യയുടെ മുൻകൂർ ജാമ്യാപേക്ഷ ജില്ലാ കോടതി തള്ളിയത്. അന്ന് ഉച്ചയ്ക്കാണ് അന്വേഷണ സംഘം ദിവ്യയെ കസ്റ്റഡിയിലെടുത്തത്

### Related Links & Sources
- [Original Story Source](https://panoor.truevisionnews.com/news/247324/a-week-after-being-remanded-hearing-on-pp-divyas-bail-plea-today)