നാദാപുരത്ത് സ്വകാര്യ ബസിൽ വിദ്യാർഥിനികൾക്കു നേരെ ലൈംഗികാതിക്രമം; തൂണേരി സ്വദേശി അറസ്റ്റിൽ

(www.panoornews.in)  സ്വകാര്യ ബസിൽ കോളജ് വിദ്യാർഥിനികൾക്ക് നേരെ ലൈംഗികാതിക്രമം നടത്തിയ പ്രതി അറസ്റ്റിൽ. തൂണേരി മുടവന്തേരി സ്വദേശി കുന്നും പുറത്ത് കെ.പി.മഹമൂദിനെയാണ് (48) എടച്ചേരി പോലീസ് അറസ്റ്റ് ചെയ്തത്. കഴിഞ്ഞ ദിവസം വൈകുന്നേരം 5.30 ഓടെ വടകര നിന്ന് നാദാപുരം ഭാഗത്തേക്ക് പോവുകയായിരുന്ന സ്വകാര്യ ബസിലാണ് സംഭവം.

Also read: കണ്ണൂരിൽ സ്കൂട്ടർ കാറിനിടിച്ച് അപകടം; ടോറസ് ലോറിക്കടിയിലേക്ക് തെറിച്ചു വീണ് യുവാവ് മരിച്ചു

മൂന്ന് വിദ്യാർഥിനികൾക്കെതിരെയാണ് പ്രതി ലൈംഗികാതിക്രമം നടത്തിയത്. ബസ് യാത്രക്കിടെ പ്രതി വിദ്യാർഥിനികളുടെ ശരീരത്തിൽ സ്പർശിക്കുകയായിരുന്നു. പല തവണ താക്കീത് ചെയ്തിട്ടും പ്രതി വീണ്ടും വിദ്യാർഥിനികൾക്ക് നേരെ അതിക്രമം നടത്തുകയായിരുന്നു.

ഇതോടെ വിദ്യാർഥിനികൾ ബഹളം വെക്കുകയും യാത്രക്കാർ ഇടപെടുകയും പ്രതിയെ എടച്ചേരി പോലീസ് സ്റ്റേഷനിൽ എത്തിക്കുകയുമായിരുന്നു. തുടർന്ന് വിദ്യാർഥിനി സ്റ്റേഷനിൽ പരാതി നൽകി

Also read: പന്ന്യന്നൂർ പഞ്ചായത്തിൽ ക്യാൻസർ ബോധവത്ക്കരണ ക്യാമ്പയിൻ തുടരുന്നു ; ചമ്പാട് ചോതാവൂർ ഹയർ സെക്കൻ്ററി സ്കൂളിൽ ബോധവത്ക്കരണ ക്ലാസ് സംഘടിപ്പിച്ചു

. ഇതിനു പിന്നാലെ അറസ്റ്റ് രേഖപ്പെടുത്തി പ്രതിയെ ഉച്ചയോടെ കോടതിയിൽ ഹാജരാക്കി. ഇയാളെ കോടതി റിമാന്റ് ചെയ്തു.

Sexual assault on female students in a private bus in Nadapuram; A native of Thuneri was arrested