പൊന്ന്യത്തെ ചെണ്ടുമല്ലി കൃഷി വിളവെടുത്തു ; വിറ്റു കിട്ടുന്ന പണം മുഴുവൻ നിർധന കുടുംബത്തിൻ്റെ വീട് നിർമ്മാണത്തിന്

പൊന്ന്യം:(www.panoornews.in)  പൊന്ന്യം കുണ്ടുചിറയിൽ ചെണ്ടുമല്ലി കൃഷിയുടെ വിളവെടുപ്പ് നടന്നു. കതിരൂരിൽ നിർധന കുടുംബത്തിനായ് നിർമ്മിക്കുന്ന സ്നേഹ വീടിന് കൈത്താങ്ങായി ഭവന നിർമ്മാണത്തിന് നേതൃത്വം നൽകുന്ന മഹിജ കൺസ്ട്രഷൻ ഉടമ പി.വി പ്രകാശനാണ് ചെണ്ടുമല്ലി കൃഷി ചെയ്തത്.

Also read: പൊലീസ് പിടിച്ചെടുത്ത ഓട്ടോറിക്ഷ വിട്ടു നല്‍കാത്തതില്‍ മനം നൊന്ത് ഓട്ടോ ഡ്രൈവർ തൂങ്ങി മരിച്ച നിലയിൽ

കതിരൂർ ഗ്രാമ പഞ്ചായത്ത് പതിനൊന്നാം വർഡില് മൂന്നാം മൈലിൽ താമസിക്കുന്ന ശ്രിയക്കും കുടുംബത്തിനും പഞ്ചായത്തിൻ്റെ നേതൃത്വത്തിൽ നിർമ്മിക്കുന്ന വീടിൻ്റെ നിർമ്മാണ പ്രവർത്തിക്ക് കൈത്താങ്ങായാണ് പി.വി പ്രകാശൻ പൊന്ന്യം കുണ്ടുചിറയിലെ അറ് സെൻ്റ് സ്ഥലത്ത് ചെണ്ടുമല്ലി കൃഷി ചെയ്തത്.

കതിരൂർ ഗ്രാമപഞ്ചായത്ത് പ്രസിഡന്റ് പിപി സനിൽ വിളവെടുപ്പ് ഉദ്ഘാടനം നിർവ്വഹിച്ചു. പഞ്ചായത്ത് അംഗം ടി.കെ ഷാജി ,പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ പി കെ സാവിത്രി, പി പവിത്രൻ , വില്ലേജ് എക്സ്റ്റൻഷൻ ഓഫീസർ ലത , പ്രകാശൻ ബ്രണ്ണൻ ഹയർ സെക്കണ്ടറി സ്കൂ‌ൾ എൻ എസ് എസ് യൂണിറ്റ് പ്രോഗ്രാം ഓഫീസർ റീജ പി റഷിദ്, വിദ്യാർത്ഥികൾ തുടങ്ങിയവർ സംബന്ധിച്ചു.

The golden chendumalli crop was harvested; All the proceeds from the sale go towards building a house for the needy family