അപ്രതീക്ഷിതം, മുരളി ഏറാമലയുടെ വേർപാട് വിശ്വസിക്കാനാകാതെ സുഹൃത്തുക്കളും, നാട്ടുകാരും ; സംസ്കാരം നാളെ രാവിലെ 9 ന് ഉളിക്കലിൽ

പാനൂർ:(www.panoornews.in)  പ്രമുഖ കലാകാരൻ മുരളി ഏറാമലയുടെ അപ്രതീക്ഷിത വേർപാട് വിശ്വസിക്കാനാകാതെ സുഹൃത്തുക്കളും, കുടുംബവും. പ്രമുഖ ചിത്രകാരനും ശില്പിയും പാനൂർ ഹയർ സെക്കന്ററി സ്കൂൾ റിട്ട. ചിത്രകലാ അധ്യാപകനുമായിരുന്നു മുരളി ഏറാമല. പെരിങ്ങത്തൂർ എൻഎഎം കോളേജിൽ വിദ്യാർത്ഥികൾക്കായി നാടക പരിശീലനം നടത്തുകയായിരുന്നു.

Also read: ഓടിക്കൊണ്ടിരുന്ന കെഎസ്ആർടിസി ബസിൽ തീപിടിത്തം

പരിശീലനത്തിന് ശേഷം ഒളവിലത്ത് ബന്ധു വീട്ടിലായിരുന്നു താമസം. രാവിലെ ഉറങ്ങിയെണീറ്റയുടൻ കുഴഞ്ഞു വീഴുകയായിരുന്നത്രെ.

ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. എത് ചടങ്ങുകൾക്കും സ്റ്റേജ് സജ്ജീകരണമുൾപ്പടെ നടത്തുന്ന അപൂർവ്വ കലാകാരനെയാണ് മുരളി ഏറാമലയുടെ വേർപാടിലൂടെ നഷ്ടമായത്. സംസ്കാരം നാളെ രാവിലെ 9 ന് ഇരിട്ടി ഉളിക്കലിലെ വീട്ടുവളപ്പിൽ നടക്കും.

Unexpectedly, the friends and locals could not believe the departure of Murali Eramala; Funeral tomorrow at 9 am at Ulikal