---
title: "പണം നൽകാതെ മദ്യക്കുപ്പിയുമായി കടന്നു കളയാൻ ശ്രമം, പൊലീസുകാരൻ അറസ്റ്റിൽ"
english_title: "Attempting to pass away with a bottle of liquor without paying, the policeman was arrested"
publisher: "panoornews.in"
canonical_url: "https://panoor.truevisionnews.com/news/237452/attempting-to-pass-away-with-a-bottle-of-liquor-without-paying-the-policeman-was-arrested"
published_at: "2024-09-23T13:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66f12179999e6_66f11205e3d87_arrest.jpg"
keywords: []
---

# പണം നൽകാതെ മദ്യക്കുപ്പിയുമായി കടന്നു കളയാൻ ശ്രമം, പൊലീസുകാരൻ അറസ്റ്റിൽ

> **Lead Summary:** ** ** മദ്യലഹരിയിൽ പൊലീസുകാരന്റെ അതിക്രമം. പട്ടിമറ്റം ബിവറേജ് ഔട്ട്ലെറ്റിൽ നിന്ന് പണം നൽകാതെ മദ്യക്കുപ്പിയുമായി കടന്നു കളയാൻ ശ്രമിക്കുകയായിരുന്നു .

## Article Content

** ** മദ്യലഹരിയിൽ പൊലീസുകാരന്റെ അതിക്രമം. പട്ടിമറ്റം ബിവറേജ് ഔട്ട്ലെറ്റിൽ നിന്ന് പണം നൽകാതെ മദ്യക്കുപ്പിയുമായി കടന്നു കളയാൻ ശ്രമിക്കുകയായിരുന്നു .

പൊലീസ് ഡ്രൈവർ ​ഗോപിയാണ് അതിക്രമം നടത്തിയത്. സംഭവത്തിൽ ഗോപിയെ കുന്നത്തുനാട് പോലീസ് അറസ്റ്റ് ചെയ്തു. മാനേജരായ യുവതിയെ കയറി പിടിക്കുകയും പൊതുമുതൽ നശിപ്പിക്കുകയും ചെയ്തതിനാണ് കേസെടുത്തിരിക്കുന്നത്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.

ഔട്ട്‌ലറ്റിന്റെ വാതിൽ തകർത്താണ് പൊലീസ് ഉദ്യോഗസ്ഥൻ മദ്യക്കുപ്പിയുമായി കടന്നുകളയാൻ ശ്രമിച്ചത്. നാട്ടുകാരും മാനേജരായ യുവതിയും ചേർന്ന് ഇയാളെ തടഞ്ഞുനിർത്താൻ ശ്രമിക്കുന്നത് സിസിടിവി ദൃശ്യങ്ങളിൽ കാണാം.

### Related Links & Sources
- [Original Story Source](https://panoor.truevisionnews.com/news/237452/attempting-to-pass-away-with-a-bottle-of-liquor-without-paying-the-policeman-was-arrested)