---
title: "കണ്ണീരണിഞ്ഞ് ശ്രുതിയും, കേരളവും ; ജെൻസനായി ശ്രുതി നൽകിയ അന്ത്യചുംബനം ആയിരങ്ങളുടെ ഉള്ളുലച്ചു"
english_title: "Rumored to kiss Jensen goodbye, thousands to send off, heart-shattering sight"
publisher: "panoornews.in"
canonical_url: "https://panoor.truevisionnews.com/news/235093/rumored-to-kiss-jensen-goodbye-thousands-to-send-off-heart-shattering-sight"
published_at: "2024-09-12T14:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66e2aeea2343c_66e2a75bf22aa_jensondeath.jpg"
keywords: []
---

# കണ്ണീരണിഞ്ഞ് ശ്രുതിയും, കേരളവും ; ജെൻസനായി ശ്രുതി നൽകിയ അന്ത്യചുംബനം ആയിരങ്ങളുടെ ഉള്ളുലച്ചു

> **Lead Summary:** ** ** കണ്ടുനിന്നവരുടെയും കേരളത്തിന്റെയും ഉള്ളുലയ്ക്കുന്ന കാഴ്ച. ജെൻസന് അന്ത്യ ചുംബനത്തോടെ വിട നൽകി പ്രതിശ്രുത വധു ശ്രുതി. ശ്രുതിക്ക് അവസാനമായി ഒരുനോക്ക് കാണാൻ മൃതദേഹം ആശുപത്രിയിലെത്തിക്കുകയായിരുന്നു.

## Article Content

** ** കണ്ടുനിന്നവരുടെയും കേരളത്തിന്റെയും ഉള്ളുലയ്ക്കുന്ന കാഴ്ച. ജെൻസന് അന്ത്യ ചുംബനത്തോടെ വിട നൽകി പ്രതിശ്രുത വധു ശ്രുതി. ശ്രുതിക്ക് അവസാനമായി ഒരുനോക്ക് കാണാൻ മൃതദേഹം ആശുപത്രിയിലെത്തിക്കുകയായിരുന്നു.

നേരത്തെ പള്ളിയിൽ കൊണ്ടുപോയി കാണിക്കാനായിരുന്നു തീരുമാനിച്ചത്. എന്നാൽ ശ്രുതിയുടെ മാനസിക ശാരീരിക അവസ്ഥ മോശമായതിനാൽ ആശുപത്രിയിലേക്ക് മൃതദേഹം എത്തിക്കുകയായിരുന്നു.

15 മിനിറ്റോളമാണ് ആശുപത്രിയിൽ മൃതദേഹം ദർശനത്തിന് വെച്ചത്. നിരവധി ആളുകളാണ് ജെൻസനെ അവസാനമായൊന്ന് കാണാൻ വീട്ടിലേക്കെത്തുന്നത്, ചൂരൽമല ഉരുൾപൊട്ടലിൽ ഉറ്റവരെ നഷ്ടപ്പെട്ട ശ്രുതിയുടെ പ്രതിശ്രുത വരനായിരുന്ന ജെന്‍സന്‍റെ പോസ്റ്റുമോർട്ടം നടപടികൾ പൂർത്തിയാക്കി വീട്ടിലെത്തിച്ചു.

സഹോദരൻ ഉൾപ്പെടെയുള്ള കുടുംബാംഗങ്ങൾ ബത്തേരി ആശുപത്രിയിൽ വച്ച് ജെൻസനെ കണ്ടു. ശേഷം അമ്പലവയൽ ആണ്ടൂരിലെ വീട്ടിലേക്കാണ് ജെൻസൻ്റെ മൃതദേഹം കൊണ്ടുപോയത്.

ഇവിടെ മൃതദേഹം പൊതുദർശനത്തിന് വെച്ചിരിക്കുകയാണ്. നിരവധി പേരാണ് ഹാളിലേക്ക് എത്തിക്കൊണ്ടിരിക്കുന്നത്. വൈകിട്ട് 3 മണിക്ക് ആണ്ടൂര്‍ നിത്യസഹായമാതാ പള്ളി സെമിത്തേരിയിലാണ് സംസ്കാരം നടക്കുക.

ജെൻസന്റേയും ശ്രുതിയുടേയും വിവാഹം നടക്കാൻ ദിവസങ്ങൾ മാത്രമുള്ളപ്പോഴാണ് അപകടം ഉണ്ടായതും ജെൻസൺ മരിക്കുന്നതും.

### Related Links & Sources
- [Original Story Source](https://panoor.truevisionnews.com/news/235093/rumored-to-kiss-jensen-goodbye-thousands-to-send-off-heart-shattering-sight)