കൂട്ടുപുഴ എക്സൈസ് ചെക്ക്പോസ്റ്റിൽ വൻ ലഹരിവേട്ട ; 8.140 ഗ്രാം മെത്താംഫിറ്റമിനുമായി കണ്ണൂർ സ്വദേശി പിടിയിൽ

കണ്ണൂർ:(www.panoornews.in)  കൂട്ടുപുഴ എക്സൈസ് ചെക്ക്പോസ്റ്റിലെ എക്സൈസ് ഇൻസ്പെക്ടർ വി ആർ രാജീവും, സംഘവും ചേർന്ന് നടത്തിയ വാഹന പരിശോധനയിലാണ് ബാംഗ്ലൂരിൽ നിന്നും TN 74 AS 3195 ഡിയോ സ്കൂട്ടറിൽ വില്പനയ്ക്കായി കടത്തി കൊണ്ടുവന്ന 8.140 ഗ്രാം മെത്താംഫിറ്റമിൻ പിടികൂടിയത്.

Also read: കണ്ണൂരിൽ സ്കൂട്ടർ ടിപ്പർ ലോറിയിലിടിച്ച് അപകടം; അമ്മക്കും മകൾക്കും പരിക്ക്

കണ്ണൂർ സൗത്ത് ബസാറിലെ ടി. ഗോകുൽദാസ് (22)നെ അറസ്റ്റ് ചെയ്തു. ഇയാൾക്കെതിരെ എൻഡിപിഎസ്‌ ആക്റ്റ് പ്രകാരം കേസെടുത്തു. മെത്താഫിറ്റമിൻ കടത്തി കൊണ്ടുവന്ന സ്കൂട്ടറും കസ്റ്റഡിയിലെടുത്തു.

അസിസ്റ്റന്റ് എക്സൈസ് ഇൻസ്‌പെക്ടർ വി.മനോജ്‌ , പ്രിവൻ്റീവ് ഓഫീസർ ഗ്രേഡ് ഇ.സുജിത്ത് , സിവിൽ എക്സൈസ് ഓഫീസർ സി.എച്ച് ഫെമിൻ, വനിത സിവിൽ എക്സൈസ് ഓഫീസർ പി.പി ഐശ്വര്യ, സിവിൽ എക്സൈസ് ഓഫീസർ ഡ്രൈവർ കെ.പി ജൂനിഷ് എന്നിവരും പ്രതിയെ പിടികൂടിയ സംഘത്തിൽ ഉണ്ടായിരുന്നു.

Kootupuzha Excise Checkpost Huge Drug Hunt; A native of Kannur was arrested with 8.140 grams of methamphetamine