---
title: "വീട്ടുമുറ്റത്ത് എത്തിയ ദേശീയ പക്ഷിയായ  മയിലിനെ കൊന്ന് കറിവെച്ചു ; കണ്ണൂർ സ്വദേശി  അറസ്റ്റിൽ"
english_title: "Peacock, the national bird that arrived in the backyard, was killed and cremated; A native of Kannur was arrested"
publisher: "panoornews.in"
canonical_url: "https://panoor.truevisionnews.com/news/232938/peacock-the-national-bird-that-arrived-in-the-backyard-was-killed-and-cremated-a-native-of-kannur-was-arrested"
published_at: "2024-09-03T14:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66d6cbb781827_Untitled-2_copy.jpg"
keywords: []
---

# വീട്ടുമുറ്റത്ത് എത്തിയ ദേശീയ പക്ഷിയായ  മയിലിനെ കൊന്ന് കറിവെച്ചു ; കണ്ണൂർ സ്വദേശി  അറസ്റ്റിൽ

> **Lead Summary:** **കണ്ണൂർ: ** കണ്ണൂർ തളിപ്പറമ്പിലെ തോമസിൻ്റെ വീട്ടിൽ കഴിഞ്ഞ ദിവസം ഒരു മയിലെത്തി. കാലിന് ചെറിയ പരുക്കുണ്ടായിരുന്നു. ആ മയിലിനെ കണ്ടപ്പോൾ കൊന്ന് കറി വെച്ചാലോ എന്നായി തോമസ്. ആ തോന്നൽ തോമസിനെ കൊണ്ടെത്തിച്ചത് ഊരാക്കുടുക്കിലാണ്.

## Article Content

**കണ്ണൂർ: ** കണ്ണൂർ തളിപ്പറമ്പിലെ തോമസിൻ്റെ വീട്ടിൽ കഴിഞ്ഞ ദിവസം ഒരു മയിലെത്തി. കാലിന് ചെറിയ പരുക്കുണ്ടായിരുന്നു. ആ മയിലിനെ കണ്ടപ്പോൾ കൊന്ന് കറി വെച്ചാലോ എന്നായി തോമസ്. ആ തോന്നൽ തോമസിനെ കൊണ്ടെത്തിച്ചത് ഊരാക്കുടുക്കിലാണ്.

വനം വകുപ്പ് തോമസിനെ കയ്യോടെ പിടികൂടി. കാലിന് പരിക്കുണ്ടായിരുന്ന മയിലിനെ മരക്കമ്പുകൊണ്ട് എറിഞ്ഞിട്ടാണ് തോമസ് പിടികൂടിയത്.

ഏറ് കൊണ്ട മയിൽ ചത്തു. മയിലിറച്ചി വൃത്തിയാക്കിയെടുത്ത് അവശിഷ്‌ടങ്ങൾ സമീപത്തെ ഉപയോഗശൂന്യമായ കിണറ്റിൽ തള്ളി. തളിപ്പറമ്പ് റെയ്ഞ്ച് ഓഫീസർ പി രതീശന് കിട്ടിയ രഹസ്യവിവരത്തിൻ്റെ അടിസ്ഥാനത്തിലാണ് വനംവകുപ്പ് തോമസിന്റെ വീട്ടിലെത്തിയത്.

പ്രതിയെ കോടതിയിൽ ഹാജരാക്കി റിമാൻഡ് ചെയ്തിട്ടുണ്ട്. ദേശീയ പക്ഷിയായ മയിലിനെ കൊല്ലുന്നത് മൂന്ന് മുതൽ ഏഴ് വർഷം വരെ തടവ് ലഭിക്കാവുന്ന ശിക്ഷയാണെന്ന് വനംവകുപ്പ് അറിയിച്ചു.

### Related Links & Sources
- [Original Story Source](https://panoor.truevisionnews.com/news/232938/peacock-the-national-bird-that-arrived-in-the-backyard-was-killed-and-cremated-a-native-of-kannur-was-arrested)