---
title: "പാനൂരിൽ പ്ലസ് വൺ വിദ്യാർത്ഥിയെ സീനിയർ വിദ്യാർഥികൾ മർദ്ദിച്ച സംഭവത്തിൽ 25 ഓളം വിദ്യാർത്ഥികൾക്കെതിരെ കേസ്."
english_title: "A case has been filed against 25 students in the incident of beating up a Plus One student by senior students in Panur."
publisher: "panoornews.in"
canonical_url: "https://panoor.truevisionnews.com/news/228693/a-case-has-been-filed-against-25-students-in-the-incident-of-beating-up-a-plus-one-student-by-senior-students-in-panur"
published_at: "2024-08-16T12:51:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66bf0205a14e8_66bd8ec4350ac_66bd745ce20b0_kannur.jpg"
keywords: []
---

# പാനൂരിൽ പ്ലസ് വൺ വിദ്യാർത്ഥിയെ സീനിയർ വിദ്യാർഥികൾ മർദ്ദിച്ച സംഭവത്തിൽ 25 ഓളം വിദ്യാർത്ഥികൾക്കെതിരെ കേസ്.

> **Lead Summary:** പാനൂർ:** ** കതിരൂർ ചുണ്ടങ്ങാപ്പൊയിൽ ഹയർ സെക്കന്‍ററി സ്കൂൾ പ്ലസ് വൺ വിദ്യാർത്ഥിക്കാണ് മർദനമേറ്റത്. കഴിഞ്ഞ ദിവസം വൈകുന്നേരം 5 മണിയോടെ പാനൂർ ബസ്സ് സ്റ്റാൻഡിൽ വെച്ചാണ് സംഭവം.

## Article Content

പാനൂർ:** ** കതിരൂർ ചുണ്ടങ്ങാപ്പൊയിൽ ഹയർ സെക്കന്‍ററി സ്കൂൾ പ്ലസ് വൺ വിദ്യാർത്ഥിക്കാണ് മർദനമേറ്റത്. കഴിഞ്ഞ ദിവസം വൈകുന്നേരം 5 മണിയോടെ പാനൂർ ബസ്സ് സ്റ്റാൻഡിൽ വെച്ചാണ് സംഭവം.

ആളുകൾ നോക്കി നിൽക്കെ സീനിയർ വിദ്യാർത്ഥികൾ കൂട്ടം ചേർന്ന് പ്ലസ് വണ്‍ വിദ്യാർത്ഥിയെ മർദിക്കുക ആയിരുന്നു. മുഖത്തും ശരീരത്തിന് പുറത്തും പരിക്കേറ്റ വിദ്യാർത്ഥി പാനൂർ ഗവ. ആശുപത്രിയിൽ ചികിത്സ തേടി.

സ്കൂളിൽ നടന്ന റാഗിംഗിന്‍റെ തുടർച്ചയാണ് ആക്രമണമെന്ന് വിദ്യാർത്ഥി ആരോപിച്ചിരുന്നു നേരത്തെ റാഗിംഗ് നടത്തിയതിന് സസ്പെൻഷനിലായ പ്ലസ്ടു വിദ്യാർത്ഥികളാണ് ആക്രമണത്തിന് പിന്നിലെന്നാണ് സൂചന.

സംഭവ സ്ഥലത്ത് പൊലീസ് എത്തിയാണ് വിദ്യാർത്ഥികളെ പിടിച്ചുമാറ്റിയത്. വിദ്യാർത്ഥിയുടെ പിതാവ് മനോഹരൻ നൽകിയ പരാതിയെ തുടർന്നാണ് പാനൂർ പൊലീസ് 25 ഓളം വിദ്യാർത്ഥികൾക്കെതിരെ കേസെടുത്തത്.

### Related Links & Sources
- [Original Story Source](https://panoor.truevisionnews.com/news/228693/a-case-has-been-filed-against-25-students-in-the-incident-of-beating-up-a-plus-one-student-by-senior-students-in-panur)