---
title: "വടകരയിലെ 'കാഫിര്‍' സ്ക്രീൻഷോട്ട് വിവാദം നിര്‍ണായക വഴിത്തിരിവില്‍; മെറ്റ കമ്പനിയെയും പ്രതിയാക്കി കേസെടുത്തു"
english_title: "'Kafir' screenshot controversy in Vadakara at a critical juncture;A case was filed against Meta Company as well"
publisher: "panoornews.in"
canonical_url: "https://panoor.truevisionnews.com/news/228028/kafir-screenshot-controversy-in-vadakara-at-a-critical-juncturea-case-was-filed-against-meta-company-as-well"
published_at: "2024-08-13T19:57:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66bb6d6ab08b4_66bb629dcf563_kochi.jpg"
keywords: []
---

# വടകരയിലെ 'കാഫിര്‍' സ്ക്രീൻഷോട്ട് വിവാദം നിര്‍ണായക വഴിത്തിരിവില്‍; മെറ്റ കമ്പനിയെയും പ്രതിയാക്കി കേസെടുത്തു

> **Lead Summary:** ***വടകര:*** വടകരയിലെ കാഫിര്‍ സ്ക്രീന്‍ ഷോട്ട് വിവാദത്തില്‍ സ്ക്രീന്‍ ഷോട്ട് ആദ്യമെത്തിയത് വാട്സ്ആപ് ഗ്രൂപ്പുകളിലെന്ന് പൊലീസ്.

## Article Content

***വടകര:*** വടകരയിലെ കാഫിര്‍ സ്ക്രീന്‍ ഷോട്ട് വിവാദത്തില്‍ സ്ക്രീന്‍ ഷോട്ട് ആദ്യമെത്തിയത് വാട്സ്ആപ് ഗ്രൂപ്പുകളിലെന്ന് പൊലീസ്.

പോരാളി ഷാജി, അമ്പാടി മുക്ക് സഖാക്കള്‍ എന്നീ ഫേസ്ബുക്ക് പേജുകൾക്ക് വാട്സ് ആപ്പ് ഗ്രൂപ്പിൽ നിന്നാണ് സ്കീന്‍ ഷോട്ട് ലഭിച്ചത്. റെഡ് ബെറ്റാലിയനെന്ന ഗ്രൂപ്പില്‍ അമല്‍ രാമചന്ദ്രന്‍ എന്ന ആളാണ് സന്ദേശമെത്തിച്ചത്. ഇയാൾക്ക് സ്ക്രീന്‍ ഷോട്ട് ലഭിച്ചത് റെഡ് എന്‍കൗണ്ടേഴ്സ് എന്ന വാട്സാപ് ഗ്രൂപ്പില്‍ നിന്നാണ്.

റിബീഷ് രാമകൃഷ്ണന്‍ എന്ന ആളാണ് സ്ക്രീന്‍ ഷോട്ട് ഗ്രൂപ്പില്‍ പ്രചരിപ്പിച്ചത്. പോസ്റ്റ് എവിടെ നിന്ന് കിട്ടിയെന്ന് റിബീഷ് വെളിപ്പെടുത്തിയില്ലെന്നും പൊലീസ് പറയുന്നു. റബീഷിന്‍റെ ഫോണ്‍ ഫോറന്‍സിക് പരിശോധനക്ക് അയച്ചിട്ടുണ്ട്. വടകര എസ് എച്ച് ഓ ഹൈക്കോടതിയില്‍ സമര്‍പ്പിച്ച റിപ്പോര്‍ട്ടിലാണ് നിര്‍ണായക വിവരങ്ങളുള്ളത്.

അതേസമയം, സ്ക്രീന്‍ ഷോട്ട് വിവാദത്തില്‍ മെറ്റ കമ്പനി മൂന്നാം പ്രതി പൊലീസ് കേസെടുത്തു. മെറ്റ കമ്പനിയെ മൂന്നാം പ്രതിയാക്കിയാണ് കേസെടുത്തിരിക്കുന്നത്.

ഫേസ്ബുക്ക്, വാട്സ് അപ് വിവരങ്ങൾ കൈമാറാത്തതിനാണ് മെറ്റയെ പ്രതി ചേർത്തത്. അമ്പലമുക്ക് സഖാക്കൾ എന്ന ഫേസ്ബുക് അക്കൗണ്ടുമായി ബന്ധപ്പെട്ട രണ്ട് ഫോൺ നമ്പരുകൾ കിട്ടി.

### Related Links & Sources
- [Original Story Source](https://panoor.truevisionnews.com/news/228028/kafir-screenshot-controversy-in-vadakara-at-a-critical-juncturea-case-was-filed-against-meta-company-as-well)