---
title: "പ്രധാനമന്ത്രി നരേന്ദ്ര മോദി ശനിയാഴ്ച  വയനാട്ടിലേക്ക് ; ദുരന്തഭൂമിയും ക്യാമ്പും സന്ദര്‍ശിക്കും. "
english_title: "Prime Minister Narendra Modi to Wayanad on Saturday;Will visit disaster area and camp."
publisher: "panoornews.in"
canonical_url: "https://panoor.truevisionnews.com/news/226413/prime-minister-narendra-modi-to-wayanad-on-saturdaywill-visit-disaster-area-and-camp"
published_at: "2024-08-07T18:55:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66b3767875cbe_Untitled-1_copy.jpg"
keywords: []
---

# പ്രധാനമന്ത്രി നരേന്ദ്ര മോദി ശനിയാഴ്ച  വയനാട്ടിലേക്ക് ; ദുരന്തഭൂമിയും ക്യാമ്പും സന്ദര്‍ശിക്കും. 

> **Lead Summary:** **പ്രധാനമന്ത്രി മോദി ശനിയാഴ്ച ഉരുൾപൊട്ടൽ നടന്ന വയനാട് ദുരന്ത മേഖല സന്ദർശിക്കും. കണ്ണൂർ വിമാനത്താവളത്തിൽ ഇറങ്ങിയ ശേഷം ഹെലികോപ്റ്ററിൽ വയനാട്ടിലേക്ക് എത്തും.

## Article Content

**പ്രധാനമന്ത്രി മോദി ശനിയാഴ്ച ഉരുൾപൊട്ടൽ നടന്ന വയനാട് ദുരന്ത മേഖല സന്ദർശിക്കും. കണ്ണൂർ വിമാനത്താവളത്തിൽ ഇറങ്ങിയ ശേഷം ഹെലികോപ്റ്ററിൽ വയനാട്ടിലേക്ക് എത്തും.

ദുരന്ത മേഖലയും ക്യാമ്പും പ്രധാനമന്ത്രി സന്ദർശിക്കും. ദുരന്തം നടന്ന സമയം മുതല്‍ കേരളത്തിന് മോദി എല്ലാവിധ സഹായങ്ങളും വാഗ്ദാനം ചെയ്തിരുന്നു.

സുരക്ഷാ ക്രമീകരണങ്ങൾക്കായി എസ്.പി.ജി സംഘം ഉടൻ കേരളത്തിലെത്തും. ദില്ലിയിൽ നിന്നും പ്രത്യേക വിമാനത്തിലായിരിക്കും മോദി കണ്ണൂർ വിമാനത്താവളത്തിലെത്തുക. ദുരന്തബാധിത പ്രദേശങ്ങൾ അദ്ദേഹം ഹെലികോപ്റ്ററിൽ സന്ദർശിക്കും.

അതിന് ശേഷം ദുരിതബാധിതർ താമസിക്കുന്ന ക്യാമ്പുകളും അദ്ദേഹം സന്ദർശിക്കുമെന്നാണ് ലഭിക്കുന്ന വിവരം. വയനാട്ടിലെ പുനരധിവാസവുമായി ബന്ധപ്പെട്ട ആവശ്യങ്ങൾ സംസ്ഥാന സർക്കാർ കേന്ദ്രസർക്കാരിനോട് ആവശ്യപ്പെട്ടിട്ടുണ്ട്.

പ്രധാനമന്ത്രിയുടെ  സന്ദർശനത്തെ വളരെ പ്രതീക്ഷയോടെയാണ് ദുരിതബാധിതരും സർക്കാരും നോക്കിക്കാണുന്നത്.

### Related Links & Sources
- [Original Story Source](https://panoor.truevisionnews.com/news/226413/prime-minister-narendra-modi-to-wayanad-on-saturdaywill-visit-disaster-area-and-camp)