വടകരയിൽ കെഎസ്ആർടിസി ബസിൻ്റെ ചക്രത്തിനടിയിൽപ്പെട്ട് മരിച്ചത് ചോറോട് സ്വദേശിനി വീട്ടമ്മ; അപകടത്തിൽപ്പെട്ടത് മരുമകൾ ഓടിച്ച സ്കൂട്ടർ

വടകര : (www.panoornews.in) ദേശീയപാതയിൽ വടകരയിൽ സ്കൂട്ടറിൽ നിന്ന് തെറിച്ച് വീണ് കെഎസ്ആർടിസി ബസിൻ്റെ ചക്രത്തിനടിയിൽപ്പെട്ട് മരിച്ചത് ചോറോട് സ്വദേശിനി വീട്ടമ്മ.

Also read: പിപി ദിവ്യയെ കണ്ണൂർ ജില്ലാ പ്രസിഡൻ്റ് സ്ഥാനത്തു നിന്നും നീക്കി

അപകടത്തിൽ സ്കൂട്ടർ ഓടിച്ച മരുമകൾക്കും പരിക്ക്. ചോറോട് എമടത്തിൽ പ്രഭ (75 ) ആണ് മരിച്ചത്. ഇന്ന് വൈകീട്ട് 4 : 15 ഓടെ വടകര അടക്കാത്തെരുവിനടുത്തെ കൊപ്ര ഭവനിന് മുന്നിലാണ് അപകടം .

വടകര അഹല്യ കണ്ണാശുപത്രിയിലെ ജീവനക്കാരിയായ മകൻ്റ ഭാര്യ ശ്രീകലയുടെ സ്കൂട്ടറിൽ ചോറോട്ടെ വീട്ടിൽ നിന്ന് പുത്തൂരിലെ ബന്ധുവീട്ടിലേക്ക് പോകുന്നതിനിടെയാണ് അപകടം.

Also read: കാപ്പ വകുപ്പു പ്രകാരമുള്ള നാടുകടത്തൽ ശിക്ഷ തീരാൻ ദിവസങ്ങൾ മാത്രം ബാക്കിയിരിക്കെ നാട്ടിൽ തിരിച്ചെത്തി ; പൊയിലൂർ സ്വദേശിയായ യുവാവ് വീണ്ടും കാപ്പ നിയമപ്രകാരം അറസ്റ്റിൽ

സ്കൂട്ടർ ഓടിച്ച ശ്രീകലയെ പരിക്കുകളോടെ വടകര ആശാ ഹോസ്പിറ്റലിൽ പ്രവേശിപ്പിച്ചു . ദേശീയ പാത നിർമ്മാണം നടക്കുന്നതിനാൽ തകർന്ന ഇടുങ്ങിയ റോഡിലൂടെയാണ് വാഹനങ്ങൾ പോകുന്നത് . മറ്റൊരു വാഹനത്തിൽ തട്ടി നിയന്ത്രണം വിട്ട സ്കൂട്ടർ മറിഞ്ഞു.

സ്കൂട്ടറിൻ്റെ പിൻ സീറ്റിൽ നിന്ന് തെറിച്ച് വീണ പ്രഭ കെഎസ്ആർടിസി സൂപ്പർ ഫാസ്റ്റ് ബസ്സിനടിൽപ്പെടുകയായിരുന്നു. ബസ്സിൻ്റെ ചക്രത്തിൽ കുടുങ്ങിയ ഇവർ തൽക്ഷണം മരിച്ചതായും ദൃക്സാക്ഷികൾ പറഞ്ഞു.

Also read: ‘അധികാര ദുര്‍മോഹത്തിന്റെ അവതാരമായി സരിന്‍ മാറി’; വിമര്‍ശനവുമായി രമേശ് ചെന്നിത്തല

അപകടത്തിൽ തൽക്ഷണം മരിച്ച വീട്ടമ്മയുടെ മൃതദേഹം റോഡിൽ നിന്ന് വടകര പോലീസ് സ്ഥലത്തെത്തിയ ശേഷമാണ് വടകര ജില്ലാ ആശുപത്രിയിലേക്ക് മാറ്റിയത് .

ഭർത്താവ്: പരേതനായ കുഞ്ഞിരാമൻ. മക്കൾ: പരേതനായ ലത്തീഷ് , റീജേഷ്,രൂപേഷ് മരുമകൾ: ശ്രീകല ( അഹല്യ കണ്ണാശുപത്രി സ്റ്റാഫ് ) ശീതൾ അപർണ ( അസി. ഡയരകർ വിഎച്ച്സി ). മരിച്ച പ്രഭ കണ്ണൂർ സ്വദേശിനിയാണ് .

A housewife from Chorode died after falling under the wheel of a KSRTC bus in Vadakara;The scooter driven by the daughter-in-law was involved in the accident