---
title: "നടപ്പാതയിൽ നിന്നും റോഡിലേക്ക് തെന്നിവീണ വയോധികൻ കാറിടിച്ചു മരിച്ചു"
english_title: "An elderly man who slipped from the pavement onto the road was hit by a car and died"
publisher: "panoornews.in"
canonical_url: "https://panoor.truevisionnews.com/news/219580/an-elderly-man-who-slipped-from-the-pavement-onto-the-road-was-hit-by-a-car-and-died"
published_at: "2024-07-13T10:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66921174863f1_Untitled-1_copy.jpg"
keywords: []
---

# നടപ്പാതയിൽ നിന്നും റോഡിലേക്ക് തെന്നിവീണ വയോധികൻ കാറിടിച്ചു മരിച്ചു

> **Lead Summary:** ***കണ്ണൂര്‍: ***ഇരിട്ടി കീഴൂർകുന്നിൽ വയോധികന്‍ അപകടത്തില്‍ മരിച്ചു. ഇടുക്കി സ്വദേശിയായ രാജനാണ് മരിച്ചത്. മഴയത്ത് കുട ചൂടി നടപ്പാതയിലൂടെ നടക്കുകയായിരുന്ന രാജന്‍ കാല്‍ തെന്നിയാണ് റോഡിലേക്ക് വീണത്.

## Article Content

***കണ്ണൂര്‍: ***ഇരിട്ടി കീഴൂർകുന്നിൽ വയോധികന്‍ അപകടത്തില്‍ മരിച്ചു. ഇടുക്കി സ്വദേശിയായ രാജനാണ് മരിച്ചത്. മഴയത്ത് കുട ചൂടി നടപ്പാതയിലൂടെ നടക്കുകയായിരുന്ന രാജന്‍ കാല്‍ തെന്നിയാണ് റോഡിലേക്ക് വീണത്.

വീണ സ്ഥലത്തു നിന്ന് എഴുന്നേല്‍ക്കാന്‍ ശ്രമിക്കുന്നതിനിടെ പാഞ്ഞെത്തിയ വാഹനം ഇടിച്ച് തെറിപ്പിച്ചു. പരിക്കേറ്റ് രാജന്‍ റോഡില്‍ കിടക്കുമ്പോള്‍ വാഹനങ്ങള്‍ ഇതുവഴി കടന്നുപോയി.

അതിന് ശേഷം മറ്റൊരു ലോറി രാജന്റെ ശരീരത്തിലൂടെ കയറിയിറങ്ങി. പിന്നീട് വന്ന ബസിലെ ഡ്രൈവര്‍മാരാണ് ഇദ്ദേഹത്തെ ആശുപത്രിയിലേക്ക് കൊണ്ടുപോയത്. ഇന്നലെ രാത്രിയായിരുന്നു സംഭവം. ആശുപത്രിയിലെത്തിച്ചെങ്കിലും രാജനെ രക്ഷിക്കാന്‍ സാധിച്ചില്ല. അപകടത്തിന്റെ സിസിടിവി ദൃശ്യങ്ങള്‍ പുറത്തു വന്നിട്ടുണ്ട്

### Related Links & Sources
- [Original Story Source](https://panoor.truevisionnews.com/news/219580/an-elderly-man-who-slipped-from-the-pavement-onto-the-road-was-hit-by-a-car-and-died)