എരഞ്ഞോളിയിലെ ബോംബ് സ്ഫോടനം; പാനൂർ മേഖലയിലും വ്യാപക റെയ്‌ഡ്

പാനൂർ:(www.panoornews.in)  തലശേരിയിൽ കഴിഞ്ഞദിവസം ബോംബ് പൊട്ടി വയോധികൻ മരിച്ച സംഭവത്തിൽ ജില്ലയിലെങ്ങും പോലീസിൻ്റെ വ്യാപക പരിശോധന. പാനൂരിൽ ചെണ്ടയാട്, വള്ളങ്ങാട്, മുളിയാത്തോട് ഭാഗങ്ങളിൽ പരിശോധന നടന്നു.

Also read: വീടിന് തീവെച്ച് ഗൃഹനാഥൻ ജീവനൊടുക്കി; തീ ആളിക്കത്തി വീടിനകത്ത് ഉറങ്ങിക്കിടന്ന ഭാര്യ വെന്തുമരിച്ചു; രണ്ട് മക്കൾക്ക് ഗുരുതര പരിക്ക്

പൂട്ടിയിട്ട വീടുകളുടെ പരിസരം, ഒഴിഞ്ഞ പറമ്പുകൾ എന്നിവിടങ്ങളിലാണ് പരിശോധന നടന്നത്. കനത്ത മഴയെ അവഗണിച്ചായിരുന്നു പരിശോധന. പാനൂർ സി.ഐ പ്രദീപ് കുമാർ, എസ് ഐ രാംജിത്ത് എന്നിവർ നേതൃത്വം നൽകി.

തലശേരി,ചൊക്ലി, എരഞ്ഞോളി, കുത്തുപറമ്പ്, മട്ട ന്നൂർ പ്രദേശങ്ങളിലും റെയ്‌ഡ് നടന്നു. ബോംബ് ഡിസ്പോസൽ ആൻഡ് ഡിറ്റക്ഷൻസ് സ്ക്വാഡ്, ഡോഗ്സ്ക്വാഡ് എന്നിവരുടെ സഹായത്തോടെയായിരുന്നു റെയ്ഡ്. വരും ദിവസങ്ങളിലും പരിശോധന തുടരും.

Bomb blast in Eranjali;Widespread raid in Panur region as well