---
title: "കോഴിക്കോട് ടൂറിസ്റ്റ് ബസില്‍ കാറിടിച്ച് യുവാവിന് ദാരുണാന്ത്യം"
english_title: "A young man met a tragic end after being hit by a car in a Kozhikode tourist bus"
publisher: "panoornews.in"
canonical_url: "https://panoor.truevisionnews.com/news/205943/a-young-man-met-a-tragic-end-after-being-hit-by-a-car-in-a-kozhikode-tourist-bus"
published_at: "2024-05-18T09:53:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6648301823326_download_(6).jpg"
keywords: []
---

# കോഴിക്കോട് ടൂറിസ്റ്റ് ബസില്‍ കാറിടിച്ച് യുവാവിന് ദാരുണാന്ത്യം

> **Lead Summary:** ***കോഴിക്കോട്: *** മുക്കത്ത് വാഹനാപകടത്തിൽ യുവാവ് മരിച്ചു. എരഞ്ഞിമാവ് സ്വദേശി ഫഹദ് സമാൻ ആണ് മരിച്ചത്. മുക്കം മാങ്ങാപൊയിലിൽ ഇന്ന് പുലർച്ചെ രണ്ടിനാണ് അപകടമുണ്ടായത്.

## Article Content

***കോഴിക്കോട്: *** മുക്കത്ത് വാഹനാപകടത്തിൽ യുവാവ് മരിച്ചു. എരഞ്ഞിമാവ് സ്വദേശി ഫഹദ് സമാൻ ആണ് മരിച്ചത്. മുക്കം മാങ്ങാപൊയിലിൽ ഇന്ന് പുലർച്ചെ രണ്ടിനാണ് അപകടമുണ്ടായത്.

പാതയോരത്ത് നിര്‍ത്തിയിട്ട ടൂറിസ്റ്റ് ബസിന് പിറകിൽ കാറിടിക്കുകയായിരുന്നു. എറണാകുളത്ത് ജോലി ചെയ്യുന്ന ഫഹദ് സുഹൃത്തിനെ കാണാന്‍ പോകുന്നതിനിടെയായിരുന്നു അപകടം.

അപകടസമയത്ത് യുവാവ് മാത്രമാണു വാഹനത്തിലുണ്ടായിരുന്നത്. രാത്രി പെയ്ത മഴയില്‍ കാര്‍ നിയന്ത്രണം വിട്ട് ബസില്‍ ഇടിക്കുകയായിരുന്നുവെന്നാണ് പ്രാഥമിക നിഗമനം. അപകടത്തില്‍ കാര്‍ പൂര്‍ണമായും തകര്‍ന്നിട്ടുണ്ട്. അപകടത്തിനു പിന്നാലെ കോഴിക്കോട്ടെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

### Related Links & Sources
- [Original Story Source](https://panoor.truevisionnews.com/news/205943/a-young-man-met-a-tragic-end-after-being-hit-by-a-car-in-a-kozhikode-tourist-bus)