---
title: "പേരാമ്പ്ര കനാലില്‍ കുളിക്കാനിറങ്ങി കാണാതായ യുവാവിന്റെ മൃതദേഹം കണ്ടെത്തി"
english_title: "Body of missing youth found after bathing in Perampra canal"
publisher: "panoornews.in"
canonical_url: "https://panoor.truevisionnews.com/news/204610/body-of-missing-youth-found-after-bathing-in-perampra-canal"
published_at: "2024-05-11T13:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/663f1f7332720_download_(6).jpg"
keywords: []
---

# പേരാമ്പ്ര കനാലില്‍ കുളിക്കാനിറങ്ങി കാണാതായ യുവാവിന്റെ മൃതദേഹം കണ്ടെത്തി

> **Lead Summary:** പേരാമ്പ്ര കനാലില്‍ കുളിക്കാനിറങ്ങി കാണാതായ യുവാവിന്റെ മൃതദേഹം കണ്ടെത്തി. ആശാരി കണ്ടി വാഴയില്‍ മീത്തല്‍ ഗംഗാധരന്റെ മകന്‍ യദു ആണ് മരിച്ചത്. ഇന്ന് രാവിലെ 11.30യോടെ ആശാരിമുക്ക് മാമ്പളളി കനാല്‍പാലം ഭാഗത്തെ കനാലിലാണ് വച്ചാണ് യുവാവിന്റെ മൃതദേഹം കണ്ടെത്തിയത്.

## Article Content

പേരാമ്പ്ര കനാലില്‍ കുളിക്കാനിറങ്ങി കാണാതായ യുവാവിന്റെ മൃതദേഹം കണ്ടെത്തി. ആശാരി കണ്ടി വാഴയില്‍ മീത്തല്‍ ഗംഗാധരന്റെ മകന്‍ യദു ആണ് മരിച്ചത്. ഇന്ന് രാവിലെ 11.30യോടെ ആശാരിമുക്ക് മാമ്പളളി കനാല്‍പാലം ഭാഗത്തെ കനാലിലാണ് വച്ചാണ് യുവാവിന്റെ മൃതദേഹം കണ്ടെത്തിയത്.

ഇന്നലെ രാത്രി 10.30 യോടെ ജോലി കഴിഞ്ഞ് മടങ്ങിവരുന്ന വഴിക്ക് കുളിക്കുവാനായി മാമ്പള്ളി ഭാഗത്ത് കനാലിന്റെ അക്വഡേറ്റിലേക്ക് ചാടുകയായിരുന്നു. സുഹൃത്തുക്കളോട് നീന്തി മറുകരയില്‍ എത്താമെന്ന് പറഞ്ഞിരുന്നു. എന്നാല്‍ ഏറെ നേരം കഴിഞ്ഞിട്ടും യദു മറുഭാഗത്ത് എത്താത്തതിനെ തുടര്‍ന്ന് സുഹൃത്തുക്കളും നാട്ടുകാരും ചേര്‍ന്ന് തിരച്ചില്‍ നടത്തിയെങ്കിലും കണ്ടെത്തിയിരുന്നില്ല.

തുടര്‍ന്ന് ഇന്ന് രാവിലെ നാട്ടുകാരും ഫയര്‍ഫോഴ്‌സും അക്വാഡയിറ്റില്‍ ഇറങ്ങി 1 മണിക്കൂറോളം നീണ്ട തിരച്ചിലിനൊടുവിലാണ് മൃതദേഹം കണ്ടെത്തിയത്. റവന്യൂ ഉദ്യോഗസ്ഥരും ഇറിഗേഷന്‍ അധികൃതര്‍, പേരാമ്പ്ര ഫയര്‍ഫോഴ്‌സ,് പെരുവണ്ണാമുഴി പോലീസ് എന്നിവരും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്.

### Related Links & Sources
- [Original Story Source](https://panoor.truevisionnews.com/news/204610/body-of-missing-youth-found-after-bathing-in-perampra-canal)