---
title: "ഉംറ നിർവഹിക്കാനെത്തിയ കണ്ണൂർ സ്വദേശിനി കുഴഞ്ഞു വീണു മരിച്ചു"
english_title: "A woman from Kannur collapsed and died while performing Umrah"
publisher: "panoornews.in"
canonical_url: "https://panoor.truevisionnews.com/news/203522/a-woman-from-kannur-collapsed-and-died-while-performing-umrah"
published_at: "2024-05-06T17:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6638e9e2007b9_Untitled-1_copy.jpg"
keywords: []
---

# ഉംറ നിർവഹിക്കാനെത്തിയ കണ്ണൂർ സ്വദേശിനി കുഴഞ്ഞു വീണു മരിച്ചു

> **Lead Summary:** ****ഖത്തറിൽ നിന്നും ഉംറ നിർവഹിക്കാനായി പോയ സംഘത്തിലെ യുവതി മക്കയിൽ മരണപ്പെട്ടു. കണ്ണൂർ കുറ്റ്യാട്ടൂർ സ്വദേശിനി പടിഞ്ഞാറെ കണിയാംങ്കണ്ടി സുഹൈല ആണ് ഉംറ നിർവഹിക്കുന്നതിനിടെ കുഴഞ്ഞു വീണു മരിച്ചത്.

## Article Content

****ഖത്തറിൽ നിന്നും ഉംറ നിർവഹിക്കാനായി പോയ സംഘത്തിലെ യുവതി മക്കയിൽ മരണപ്പെട്ടു. കണ്ണൂർ കുറ്റ്യാട്ടൂർ സ്വദേശിനി പടിഞ്ഞാറെ കണിയാംങ്കണ്ടി സുഹൈല ആണ് ഉംറ നിർവഹിക്കുന്നതിനിടെ കുഴഞ്ഞു വീണു മരിച്ചത്.

ഭർത്താവ് ഷറഫുദ്ദീൻ സഖാഫി തളിപ്പറമ്പ് അമീറായ ഖത്തറിൽ നിന്നുള്ള അറഫാത്ത് ഉംറ ഗ്രൂപ്പ് അംഗമായാണ് സുഹൈല മക്കയിലേക്ക് യാത്രയായത്. ഞായറാഴ്ച രാത്രിയിൽ ഹറമിൽ പ്രാർത്ഥന നിർവഹിക്കവൈ കുഴഞ്ഞു വീഴുകയായിരുന്നു.

പുലർച്ചെയോടെ മരണപ്പെട്ടു. ഖത്തറിൽ സന്ദർശക വിസയിലെത്തിയ ശേഷം ഉംറക്കായി പുറപ്പെട്ടതായിരുന്നു ഇവർ. അബ്ദു‌റഹ്‌മാൻ - കുഞ്ഞാമിന ദമ്പതികളുടെ മകളാണ്. മക്കൾ : റഹ്മത്ത് (6), മുഹമ്മദ് (5). മയ്യിത്ത് മക്കയിൽ തന്നെ ഖബറടക്കുമെന്ന് ബന്ധുക്കൾ അറിയിച്ചു.

### Related Links & Sources
- [Original Story Source](https://panoor.truevisionnews.com/news/203522/a-woman-from-kannur-collapsed-and-died-while-performing-umrah)