---
title: "പ്രശസ്ത സംഗീതജ്ഞനും, നടൻ മനോജ് കെ.ജയൻ്റെ പിതാവുമായ കെ. ജി. ജയന്‍ അന്തരിച്ചു "
english_title: "Famous musician and actor Manoj K. Jayan's father K.G.Jayan passed away"
publisher: "panoornews.in"
canonical_url: "https://panoor.truevisionnews.com/news/199081/famous-musician-and-actor-manoj-k-jayans-father-kgjayan-passed-away"
published_at: "2024-04-16T13:01:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/661e2a1e9539f_Untitled-2_copy.jpg"
keywords: []
---

# പ്രശസ്ത സംഗീതജ്ഞനും, നടൻ മനോജ് കെ.ജയൻ്റെ പിതാവുമായ കെ. ജി. ജയന്‍ അന്തരിച്ചു 

> **Lead Summary:** *** ***ഗായകനും സംഗീത സംവിധായകനുമായ കെ.ജി. ജയൻ അന്തരിച്ചു. 90 വയസായിരുന്നു. തൃപ്പൂണിത്തുറയിലെ വീട്ടിൽവച്ചായിരുന്നു അന്ത്യം. വാർദ്ധക്യസഹജമായ അസുഖങ്ങളെ തുടർന്ന് ഏറെ നാളായി വീട്ടിൽ വിശ്രമത്തിലായിരുന്നു.

## Article Content

*** ***ഗായകനും സംഗീത സംവിധായകനുമായ കെ.ജി. ജയൻ അന്തരിച്ചു. 90 വയസായിരുന്നു. തൃപ്പൂണിത്തുറയിലെ വീട്ടിൽവച്ചായിരുന്നു അന്ത്യം. വാർദ്ധക്യസഹജമായ അസുഖങ്ങളെ തുടർന്ന് ഏറെ നാളായി വീട്ടിൽ വിശ്രമത്തിലായിരുന്നു.

നടൻ മനോജ് കെ.ജയൻ മകനാണ്.  ഇരട്ടസഹോദരനായ വിജയനൊപ്പം ചേർന്നുളള കൂട്ടുകെട്ടിലൂടെ ശാസ്ത്രീയ സംഗീതരംഗത്തും ഭക്തിഗാനരംഗത്തും സിനിമാഗാനരംഗത്തും ഒരു പിടി മികച്ച ഗാനങ്ങൾ ഒരുക്കിയിട്ടുണ്ട് കെ.ജി.ജയൻ. 2019-ൽ രാജ്യം പദ്മശ്രീ നൽകി അദ്ദേഹത്തെ ആദരിച്ചിട്ടുണ്ട്.

1991-ൽ സം​ഗീതനാടക അക്കാദമി, 2013-ൽ ഹരിവരാസനം പുരസ്കാരങ്ങൾ ലഭിച്ചിട്ടുണ്ട്. മൃതദേഹം സ്വകാര്യ ആശുപത്രിയിലെ മോർച്ചറിയിലേക്ക് മാറ്റി. പൊതു ദർശനവും സംസ്കാരവും നാളെ കൊച്ചിയിൽ നടക്കും.

### Related Links & Sources
- [Original Story Source](https://panoor.truevisionnews.com/news/199081/famous-musician-and-actor-manoj-k-jayans-father-kgjayan-passed-away)