---
title: "പുതുക്കുടിയിൽ ഗംഗാധരന്  സ്നേഹാദരമൊരുക്കി പാനൂർ"
english_title: "Pannoor paid tribute to Gangadharan in Pudukkudy"
publisher: "panoornews.in"
canonical_url: "https://panoor.truevisionnews.com/news/182314/pannoor-paid-tribute-to-gangadharan-in-pudukkudy"
published_at: "2024-02-05T19:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/65c0e5788b1e0_Untitled-2_copy.jpg"
keywords: []
---

# പുതുക്കുടിയിൽ ഗംഗാധരന്  സ്നേഹാദരമൊരുക്കി പാനൂർ

> **Lead Summary:** ***പാനൂർ: *** കേരളത്തിലും ഉത്തരേന്ത്യയിലും സാമൂഹ്യ, സാംസ്കാരിക, വ്യാവസായിക, വാണിജ്യ, ആദ്ധ്യാത്മിക, ജീവ കാരുണ്യ മേഖലയിൽ സ്‌തുത്യർഹമായ സേവനമർപ്പിക്കു ന്ന അണിയാരം പുതുക്കുടിയിൽ ഗംഗാധരന് പൗരാവലിയു ടെ നേതൃത്വത്തിൽ പാനൂരിൽ സ്വീകരണം നൽകി. സ്വീകരണ സമ്മേളനവും അദ്ദേഹത്തിൻ്റെ പൊതുജീവിതത്തെ ആസ്‌പദമാക്കി തയ്യാറാക്കിയ ഡോക്യുമെൻററി പ്രദർശനോദ്ഘാടനവും പാനൂർ സുമംഗലി ഓഡിറ്റോറിയത്തിൽ നടന്നു.

## Article Content

***പാനൂർ: *** കേരളത്തിലും ഉത്തരേന്ത്യയിലും സാമൂഹ്യ, സാംസ്കാരിക, വ്യാവസായിക, വാണിജ്യ, ആദ്ധ്യാത്മിക, ജീവ കാരുണ്യ മേഖലയിൽ സ്‌തുത്യർഹമായ സേവനമർപ്പിക്കു ന്ന അണിയാരം പുതുക്കുടിയിൽ ഗംഗാധരന് പൗരാവലിയു ടെ നേതൃത്വത്തിൽ പാനൂരിൽ സ്വീകരണം നൽകി. സ്വീകരണ സമ്മേളനവും അദ്ദേഹത്തിൻ്റെ പൊതുജീവിതത്തെ ആസ്‌പദമാക്കി തയ്യാറാക്കിയ ഡോക്യുമെൻററി പ്രദർശനോദ്ഘാടനവും പാനൂർ സുമംഗലി ഓഡിറ്റോറിയത്തിൽ നടന്നു.

കെ. പി മോഹനൻ എംഎൽഎ ഉദ്ഘാടനം ചെയ്തു. ഗംഗാധരന്റെ ജീവിതാനുഭവങ്ങൾ കോർത്തിണക്കി ചലച്ചിത്ര പ്രവർത്തകർ തയ്യാറാക്കിയതാണ് ഡോക്യുമെൻററി. പുതുക്കുടിയിൽ ഗംഗാധരനെ കെപി. മോഹനൻ എം എൽ എ ആദരിച്ചു. നാടിൻ്റെ ഉപഹാരം കൈമാറി.

നഗരസഭ കൗൺ സിലർ പി.കെ ഷീബ, കെ.കെ ധനഞ്ജയൻ, കെ.പി.രാജൻ, എ കെ സത്താർ, പ്രദീപ് ശ്രീലകം, ചന്ദ്രമോഹൻ പാലത്തായി എന്നിവർ സംസാരിച്ചു. പുതുക്കുടിയിൽ ഗംഗാധരൻ മറുപടി പ്രസംഗം നടത്തി. പ്രമുഖവ്യക്തിത്വങ്ങളെയും ഉന്നത വിജയികളേയും ചടങ്ങിൽ ആദരിച്ചു. ഹരീന്ദ്രൻ പറമ്പത്ത് അധ്യക്ഷത വഹിച്ചു.

സി.എം ഭാസ്കരൻ സ്വാഗതവും വത്സൻ അണിയാരം നന്ദി യും പറഞ്ഞു. ഡോക്യുമെൻററിയുടെ സംവിധാനം എ. കെ സത്താറും ഫൈസൽ റമീസ് ക്യാമറമാനുമാണ്. ഡോക്യുമെന്ററി പ്രദർശനത്തിനു ശേഷം കലാപരിപാടികൾ നടന്നു.

### Related Links & Sources
- [Original Story Source](https://panoor.truevisionnews.com/news/182314/pannoor-paid-tribute-to-gangadharan-in-pudukkudy)