---
title: "ഡോ. ഷഹ്നയുടെ മരണം ;  സുഹൃത്തായ ഡോ. റുവൈസ്  കസ്റ്റഡിയില്‍, പൊലീസ്  പിടിയിലായത് മുൻകൂർ ജാമ്യാപേക്ഷ സമർപ്പിക്കാനിരിക്കെ "
english_title: "Dr.Death of Shahna;Friend Dr.Ruwais in custody, arrested by police pending anticipatory bail application"
publisher: "panoornews.in"
canonical_url: "https://panoor.truevisionnews.com/news/167560/drdeath-of-shahnafriend-drruwais-in-custody-arrested-by-police-pending-anticipatory-bail-application"
published_at: "2023-12-07T10:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/657152e7cf386_Untitled-2_copy.jpg"
keywords: []
---

# ഡോ. ഷഹ്നയുടെ മരണം ;  സുഹൃത്തായ ഡോ. റുവൈസ്  കസ്റ്റഡിയില്‍, പൊലീസ്  പിടിയിലായത് മുൻകൂർ ജാമ്യാപേക്ഷ സമർപ്പിക്കാനിരിക്കെ 

> **Lead Summary:** ഡോ. ഷഹ്നയുടെ മരണം ; സുഹൃത്തായ ഡോ. റുവൈസ് കസ്റ്റഡിയില്‍, പൊലീസ് പിടിയിലായത് മുൻകൂർ ജാമ്യാപേക്ഷ സമർപ്പിക്കാനിരിക്കെ തിരുവനന്തപുരം മെഡിക്കൽ കോളേജിലെ യുവ ഡോക്ടർ ഷഹ്നയുടെ ആത്മഹത്യയിൽ ആൺസുഹൃത്ത് ഡോ. റുവൈസ് കസ്റ്റഡിയില്‍. ഒളിവിലായിരുന്ന ഡോ. റുവൈസിനെ കൊല്ലം കരുനാഗപ്പള്ളിയില്‍നിന്നാണ് തിരുവനന്തപുരം മെഡിക്കല്‍ കോളേജ് പൊലീസ് കസ്റ്റഡിയിലെടുത്തത്

## Article Content

ഡോ. ഷഹ്നയുടെ മരണം ; സുഹൃത്തായ ഡോ. റുവൈസ് കസ്റ്റഡിയില്‍, പൊലീസ് പിടിയിലായത് മുൻകൂർ ജാമ്യാപേക്ഷ സമർപ്പിക്കാനിരിക്കെ തിരുവനന്തപുരം മെഡിക്കൽ കോളേജിലെ യുവ ഡോക്ടർ ഷഹ്നയുടെ ആത്മഹത്യയിൽ ആൺസുഹൃത്ത് ഡോ. റുവൈസ് കസ്റ്റഡിയില്‍. ഒളിവിലായിരുന്ന ഡോ. റുവൈസിനെ കൊല്ലം കരുനാഗപ്പള്ളിയില്‍നിന്നാണ് തിരുവനന്തപുരം മെഡിക്കല്‍ കോളേജ് പൊലീസ് കസ്റ്റഡിയിലെടുത്തത്

. ഇന്ന് പുലര്‍ച്ചെയാണ് റുവൈസിനെ കസ്റ്റഡിയിലെടുത്തത്. റുവൈസിനെ തിരുവനന്തപുരത്ത് എത്തിച്ച് പൊലീസ് ചോദ്യം ചെയ്തുവരുകയാണ്. കരുനാഗപ്പള്ളിയിലെ ബന്ധുവീട്ടിലെത്തിയാണ് പൊലീസ് റുവൈസിനെ കസ്റ്റഡിയിലെടുത്തത്. നേരത്തെ റുവൈസിനായി ഹോസ്റ്റലിലും ബന്ധു വീടുകളിലും അന്വേഷിച്ചെത്തിയെങ്കിലും കണ്ടെത്താനായിരുന്നില്ല.

ഇന്നലെയാണ് റുവൈസിനെതിരെ ആത്മഹത്യാ പ്രേരണ കുറ്റം ചുമത്തി ജാമ്യമില്ലാ വകുപ്പ് പ്രകാരം കേസ് എടുത്തത്. ഡോ. ഷഹ്നയെ വിവാഹം കഴിക്കാമെന്ന് റുവൈസ് വാഗ്ദാനം ചെയ്തിരുന്നു. ഉയർന്ന സ്ത്രീധനം കിട്ടില്ലെന്ന് വന്നതോടെ വിവാഹത്തിൽ നിന്ന് ഡോ. റുവൈസ് പിന്മാറിയെന്നും ഇതാണ് ഷഹ്ന ജീവനൊടുക്കാൻ കാരണമെന്നും ബന്ധുക്കൾ ആരോപിച്ചിരുന്നു. കൊല്ലം ശക്തികുളങ്ങര സ്വദേശിയാണ് റുവൈസ്. കസ്റ്റഡിയിലെടുക്കാന്‍ വൈകിയാല്‍ ഇന്ന് റുവൈസ് മുന്‍കൂര്‍ ജാമ്യാപേക്ഷ നല്‍കാന്‍ നീക്കം നടത്തുമെന്ന വിവരവും പൊലീസിന് ലഭിച്ചിരുന്നു.

### Related Links & Sources
- [Original Story Source](https://panoor.truevisionnews.com/news/167560/drdeath-of-shahnafriend-drruwais-in-custody-arrested-by-police-pending-anticipatory-bail-application)