---
title: "സർക്കാരിന്  കനത്ത തിരിച്ചടി ;  കണ്ണൂർ  വിസി ഗോപിനാഥ് രവീന്ദ്രൻ്റെ  പുനർനിയമനം സുപ്രീം കോടതി റദ്ദാക്കി"
english_title: "A heavy blow to the government;Kannur VC Gopinath Ravindran re-appointment canceled by Supreme Court"
publisher: "panoornews.in"
canonical_url: "https://panoor.truevisionnews.com/news/166058/a-heavy-blow-to-the-governmentkannur-vc-gopinath-ravindran-re-appointment-canceled-by-supreme-court"
published_at: "2023-11-30T12:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/65682f4298b2a_Untitled-4_copy.jpg"
keywords: []
---

# സർക്കാരിന്  കനത്ത തിരിച്ചടി ;  കണ്ണൂർ  വിസി ഗോപിനാഥ് രവീന്ദ്രൻ്റെ  പുനർനിയമനം സുപ്രീം കോടതി റദ്ദാക്കി

> **Lead Summary:** **കണ്ണൂർ: ** സർക്കാരിന് കനത്ത തിരിച്ചടി ; കണ്ണൂർ വിസി ഗോപിനാഥ് രവീന്ദ്രൻ്റെ പുനർനിയമനം സുപ്രീം കോടതി റദ്ദാക്കി വിസി പുനർനിയമനത്തിന് എതിരായ ഹർജികളിൽ സർക്കാറിന് കനത്ത തിരിച്ചടി. ചീഫ് ജസ്റ്റിസ് ഡി വൈ ചന്ദ്രചൂഢ് അധ്യക്ഷനായ ബെഞ്ചാണ് വിധി പറഞ്ഞത്. കഴിഞ്ഞ മാസം കേസിൽ അന്തിമവാദം കേൾക്കുന്നതിനിടയിൽ 60 വയസ് കഴിഞ്ഞവരെ വിസിയായി എങ്ങനെ പുനര്‍നിയമിക്കാനാകുമെന്ന് ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ ബഞ്ച് ചോദിച്ചിരുന്നു.

## Article Content

**കണ്ണൂർ: ** സർക്കാരിന് കനത്ത തിരിച്ചടി ; കണ്ണൂർ വിസി ഗോപിനാഥ് രവീന്ദ്രൻ്റെ പുനർനിയമനം സുപ്രീം കോടതി റദ്ദാക്കി വിസി പുനർനിയമനത്തിന് എതിരായ ഹർജികളിൽ സർക്കാറിന് കനത്ത തിരിച്ചടി. ചീഫ് ജസ്റ്റിസ് ഡി വൈ ചന്ദ്രചൂഢ് അധ്യക്ഷനായ ബെഞ്ചാണ് വിധി പറഞ്ഞത്. കഴിഞ്ഞ മാസം കേസിൽ അന്തിമവാദം കേൾക്കുന്നതിനിടയിൽ 60 വയസ് കഴിഞ്ഞവരെ വിസിയായി എങ്ങനെ പുനര്‍നിയമിക്കാനാകുമെന്ന് ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ ബഞ്ച് ചോദിച്ചിരുന്നു.

പ്രായപരിധി കഴിഞ്ഞും നിയമനം നല്‍കിയ വിഷയം അന്തിമ വാദത്തില്‍ പരിഗണിച്ചപ്പോള്‍ 60 വയസ് കഴിഞ്ഞവരെ വിസിമാരായി പുനര്‍നിയമിക്കാനാവില്ലെന്ന സര്‍വകലാശാല ചട്ടം ഹര്‍ജിക്കാര്‍ ചൂണ്ടിക്കാട്ടിയിരുന്നു.

എന്നാൽ പുനര്‍ നിയമനത്തിന് ഈ ചട്ടം ബാധകമല്ലെന്ന് സര്‍ക്കാര്‍ വാദിച്ചെങ്കിലും, ഇളവ് അനുവദിക്കാനാവില്ലെന്ന് ഗവര്‍ണ്ണര്‍ക്ക് വേണ്ടി ഹാജരായ അറ്റോനി ജനറല്‍ ആര്‍ വെങ്കിട്ട രമണിയും കോടതിയെ അറിയിച്ചിരുന്നു. സർക്കാരിനും കണ്ണൂർ വിസി ഗോപിനാഥ് രവീന്ദ്രനും ഏറെ നിർണ്ണായകമാണ് വിധി.

### Related Links & Sources
- [Original Story Source](https://panoor.truevisionnews.com/news/166058/a-heavy-blow-to-the-governmentkannur-vc-gopinath-ravindran-re-appointment-canceled-by-supreme-court)